Sawas kan me kin Sewese Kitail en Liksang Nta
Irail sounkalohk papidaislahr kan me mahs audehda oh sainih neirail “Advance Medical Directive/Release card” de “Identity Card” me sohte rahn me doaropweo wiawihda de ntingihdi 3/99 me iei rahn me irail wiawihda sohte anahne sainih pil ehu doaropwe kapw nan pahret. Nan Service Mihding en wihk me tepida December 29, Secretary en mwomwohdiso pahn kihseli doaropwe kapw ong ihte irail me ahpwtehn papidaisla nan pahret, neirail seri kan, oh irail me anahne pil ehu doaropwe kapw. Mwomwohdiso kan sohte pahn ale pil ekei doaropwe pwukat. Ma mwomwohdiso sohte itar doaropwe pwukat me irail kolokol nan mwomwohdiso, eri Secretary kak tehk mwomwohdiso kan me mihmi limwahrail ma mie neirail doaropwe pwukat de Secretary kak oaht pil ekei doaropwe pwukat nan oaht en pwuhk kan me mwomwohdiso pahn kadarala nan sounpwongo.
Sounkalohk papidaisla kan pahn audehda neirail doaropwe ahpw irail SOHTE PAHN sain doaropwe pwukat. Nan Pwuhk Study en Mwomwohdiso me pahn wiawi nan wihk me pahn wad, sounkalohko pahn sain, sounkadehde riemen pahn kadehde ih ni ahnsou me e pahn sain oh pil e pahn ntingihdi rahn me e sain oh soahng pwukat koaros e kak ale sawas sang Sounapwalih en Pwuhk Study ma e anahne. Me riemen me pahn wia sounkadehde kan anahne uhdahn kilang sounkalohko sain doaropweo.
Sounkalohk kan sohte anahne audehda pil ehu “Health-care durable power of attorney (DPA) form” ahpw ihte ma doaropwe me irail kolokol (1) ntingdi mwohn January 2001, (2) e sohte kin kasalehda dahme irail mwahuki ahnsou wet, de (3) irail keseula nan pil ehu state. E pahn mwahu ma Secretary en mwomwohdiso pahn kolokol pil ekei doaropwe en “DPA form” oh “Advance Directive Guide” ma peien sounkalohk kan anahne me kapw.
Sounkalohk kan me saikinte papidaisla pahn kak wiahda pein neirail doaropwe me kasalehda arail pilipil me pid ale doken nta oh irail pahn wia met ong pein irail oh neirail seri kan oh met irail pahn wia ni pein arail lokaia oh pil irail kak kihsang ekei lokaia sang “Advance Medical Directive/Release card,” “Identity Card,” oh “DPA form.”