Kaunopada Met ong Ahnsou Karuwaru me Pid Palien Wini

Dahme kahrehda anahne kaunopada? Ahnsou karuwaru me pid palien wini oh kapidelong kak wiawi ni omw sohte kasik. Kahrehda, mwohn met eh wiawi, wia soahng koaros me ke kak wia, pwe ken kak alehdi sawas en palien wini me keieu mwahu. Ni omw wia met, ke kin kasalehda me ke wauneki mour oh sapwellimen Siohwa kosonned me pid nta.—Wi 15:28, 29.

Dahme ke kak wia pwehn kaunopada?

• Kapakap oh ni keneinei audehda doaropwe me kak pereiukasang doken nta (DPA).a Sounkalohk kan me papidaislahr kak ale neirail doaropwe wet sang wasahn pwuhk oh pil Identity Card (ic) ong neirail kisin seri kan

• Ma ke liseian, peki rehn elder kan doaropwehn Information for Expectant Mothers (S-401). Doaropwe wet pahn seweseiuk ken wiahda pilipil mwahu kan ma mie kahpwal en palien wini me pwarada ni ahnsou me ke liseian oh neitik

• Ma ke pahn anahne ale keseu de pwal me ele pahn mie kahpwal en nta de ke pahn kapidelong, kehsehki elder kan mwohn met wiawi oh pil imwen winio me pahn mie iengomw Sounkadehdehn Siohwa kan pahn kohwei rehmw

Ia duwen elder kan ar kak sawas? Irail kak seweseiuk audehda doaropwehn DPA. Ahpw elder kan sohte pahn wiahiong uhk omw pilipil de kasalehda ar madamadau ong dahme ke pahn pilada. (Ro 14:12; Kal 6:5) Ni omw kehsehki elder kan me ke ahneki kahpwal en soumwahu me ele pahn pidada nta, re pahn seweseiuk oh mwadangete kehsehki Pwihn me Kin Ehuiong Imwen Wini kan (HLC).

Ia duwen HLC ar kak sawas? Brother kan me kin papah nan HLC kin kaiahnda pwe ren sewese irail kan nan palien wini oh kosonned ren wehwehki dahme kitail kin kamehlele me pid nta. Irail kak koasoiong omw toahkte kan me pid ekei epwelpen wini me sohte anahne doken nta. Ma anahn, re kak rapahkihda toahkte me pahn utung omw pilipil.

KILANG KISIN KASDO HOW TO MAKE HEALTH-CARE DECISIONS REGARDING BLOOD, OH MWURI SAPENGALA PEIDEK PWUKAT:

• Dahme ke sukuhlkihsang kisin kasdo wet me kak seweseiuk ken kaunopada ong ahnsou karuwaru me pidada nta?

  Your answer