Koasoandi Kapw me Pahn Kak Sewese Kitail en Liksang Nta
Governing Body koasoanehdi me ire kesempwal kan sang doaropwe me ede “Durable Power of Attorney” (DPA) oh pil ire kesempwal kan sang doaropwe me ede “Advance Medical Directive/Release” en patpene nan ehu doaropwe, oh doaropwe kapw wet pahn uhd adaneki “DPA card.” Society wiahda “DPA card” me wekpeseng ong ehu ehu state nan United States. Daidel en “DPA card” kin pil wekpeseng ong ehu ehu state.
Ke pahn anahne audehda “DPA card” ong wasao me ke kin kousoan (state of residence). “DPA card” kak doadoahk ahnsou koaros (sohte expiration date) wasa koaros nan United States oh e pahn kasalehda ahmw pilipil me pid nta ni ahnsou me ke pahn seiloak wasa teikan likin United States. Ke anahne audehda “DPA card” kapw ni ahnsou me: (1) ke anahne kawekila noumw “DPA card” me ke kolokol met, duwehte: ma ke pahn kawekila ahmw pilipil, irail me apwalih ahmw palien wini wekila, ahmw address pahn wekila, de noumw nempehn telephone, de (2) ma noumw “DPA card” en met salongala de ohla.
E pahn kesempwal ken kapakap oh peki rehn Siohwa en kaweid uhk duwen ahmw pilipil me ke pahn kasalehda nan noumw “DPA card” oh audehda “DPA card” ni imwomwo. Ahpw, tamataman me mwohn ke pahn sain noumw “DPA card” ke anahne tehk mwahu me ke daur kosonned kan me pid audehda doaropwe wet. Karasepe ieu, ma noumw “DPA card” kin kasalehda me sounkadehde riemen anahne kadehde ahmw sain noumw card, ke pahn tehk mwahu me re kilikilang ahmw sain. Irail brother kan me kin wia Sounapwalih en Pwuhk Study kak tehk rehn irail me saikinte audehda neirail card kan oh kihong irail sawas ma re anahne.
Mwohn ke pahn limpene noumw “DPA card,” wiahda photocopy mwahu ong irail me kin apwalih ahmw palien wini oh pil ahmw toahkte oh pil wiahda photocopy ong pein noumw rekord kan. Ke kak wiahda copy en noumw “DPA card” ong tohn ahmw peneinei oh pil ong Secretary en ahmw mwomwohdiso. Copy kan pahn a palihte oh pahn mihmi ni werengen doaropwe me size 8 1/2ʺ x 11ʺ. Uhdahn “DPA card” (kaidehn copy en noumw card) me ke pahn weuwa ahnsou koaros.
Doaropwe me adaneki “Identity Card” ong seri kan me nein Sounkadehdehn Siohwa kan ahpw saikinte papidais oh card me ntingihdi 3/99 powe (pahr me Society wiahda)—card wet pahn doadoahkte. Pahpa oh nohno pahn tehk me emen emen neira seri kan me pahnangin sounpahr 18 pahn weuwa neirail card ahnsou koaros.
Irail sounkalohk kan me saikinte papidaisla kak wiahda pein neirail “DPA card” oh “Identity Card” ong pein irail oh neirail seri kan ni arail doadoahngki pein arail lokaia en kawehwe duwen arail pilipil. Secretary en mwomwohdiso pahn kihong sounkalohk kan me ahpwtehn papidaisla neirail “DPA card” mwurin arail papidaisla sohte lipilipil mehnia sounpwong me re papidaisla.