Dahme Kitail Kak Koasoia Duwen Makisihn kan

The Watchtower Feb. 15

“Mie pak me ke medemedewe dahme pahn keieu mwahu en kaweid ahmw mour oh wiahda pilipil kesempwal kan me mwahu? [Mweidong en sapeng.] Kaweid me keieu mwahu kin dierek nan Paipel oh Kosonned Kesempwal kin kisehn kaweid mwahu pwukat. [Wadek Madiu 7:​12.] Likin kaweid wet, kaweid dah kan kin kak sewese kitail nan atail mour? Ke kak diar pasapeng en peidek wet nan makisihn wet.”

Awake! Feb. 22

“Mwein ke pil wehwehki me wasahn doadoahk tohto kin keper. Makisihn wet kin kihda iren sawas kan me pahn kasalehda dahme aramas kak wia pwehn wiahda wasahn doadoahk pwukat en sohte keper. E pil kin kasalehda me: ma kitail ahneki madamadau toupahrek me pid doadoahk en mwohni, met kak sewese kitail en ahneki peren mehlel oh nsenamwahu nan atail mour. Menlau wadek makisihn wet.”

The Watchtower Mar. 1

“Pwehki soahng koaros me wiawi nan rahn pwukat, pali laud en aramas kin sehse dahme pahn wiawi ni ahnsou kohkohdo. Nan Kapakap en Samat, Sises Krais kin kasalehda dahme kahrehda kitail kak koapworopworki me ahnsou kohkohdo kan pahn mwahu. [Wadek Madiu 6:​9, 10.] Aramas akan rahnwet kin pwurehng wiahda sapwung kan me wiawi mahs mahsie. Ahpw, nan rahn pwuko, irail me kin papah Koht kin ahneki koapworopwor kaselel ong ahnsou kohkohdo. Makisihn wet pahn kasalehda iaduwen kitail kak pil ahneki koapworopwor kaselel ong ahnsou kohkohdo.”

Awake! Mar. 8

“Paipel kin kasalehda kesempwalpen ale kasukuhl mwahu. [Wadek Lepin Padahk 2:​10, 11.] Pali laud en kitail kin wehwehki kahrepe kan me neitail seri kan anahne sounpadahk kan me koahiek. Awake! kin kasalehda doadoahk kesempwal sounpadahk kan kin wia, oh iaduwen kitail kak kalahnganki arail doadoahk oh dahme pahpa oh nohno kan kak wia pwehn sewese irail en wia arail doadoahk me inenen apwal nan rahn pwukat.”