Koakon En Peidek

◼ Dahme kahrehda kitail anahne kanahieng ni ahnsou me kitail kin kalohk ong aramas ni atail kin ntingihdi kisinlikou kan?

E sansal mwahu me elen kalohk me kin pweida mwahu iei ntingihdi kisinlikou oh ehukihong tohnihmw kan duwen Rongamwahu en Wehin Koht. Wiewia kan me ahpwtehn wiawi nan sampah kin kahrehda aramas sohte kin mwadang kihpeseng kisinlikou kan sang aramas me re sehse. Aramas tohto kin masak kihpeseng pwuhdo me sohte address en aramaso me kadarodo kisinlikouwo de ma pwuhdo kohsang wasakis me re sehse, keieu ma pwuhdo kin toutou de aramas pein ntingihdi pohn pwuhdo. Tohnihmw kan me kin ale soangen pwuhdo pwukat kak kesehla pwuhdo wet pwe re masak kihpeseng soangen pwuhdo pwukat. Dahme kitail kak wia pwehn kadarala soangen pwuhdo kan me aramas sohte pahn perki kihpeseng?

Ma ke kak, e pahn mwahu ma ke pahn doadoahngki typewriter en wiahda kisinlikou oh pwuhdo. Oh pil, typeihdi eden tohnihmw pohn pwuhdo. Ieremen ntingihdihte “Occupant” (wehwehki: “Tohnihmw”). Oh pil, typeihdi edomw wasao me “return address” (addess en aramaso me kadarala kisinlikou) kin mihmi ie. Ma e sohte konehng en typeihdi de ntingihdi pein ahmw address, ke kak typeihdi de ntingihdi edomw oh address en Kingdom Hall. Menlau ieremen kadarala kisinlikou kan me sohte “return address.” Menlau, ken dehr doadoahngki address en Branch Ohpis ong “return address.”​​—⁠Menlau kilang Atail Doadoahk Ong Wehio en December 1996 Kohpwahn Peidek.

Ma ke men kilang pil ekei iren sawas kan oh pil dahme ke kak ntingihdi nan kisinlikou me ke men kalohk ong tohnihmw kan, ke kak tehk nan pwuhken Benefit From Theocratic Ministry School Education, pali 71-73. Kaweid me kin mihmi nan pwuhk wet kin sewese kitail en ntingihdi soangen kisinlikou kan me pahn kamwekid mohngiong en aramas akan en perenki rong Rongamwahu.