Koakon En Peidek

◼ Ia mwomwen atail likou oh kapwat ni ahnsou me kitail kin mwemweitlahng imwen Bethel kan oh Branch Ohpis kan?

Ni ahnsou me kitail kin mwemweitlahng imwen Bethel pwehn tour wasao de ni ahnsou me kitail pahn mwemweitla rehn irail tohn Bethel ko, “atail likou, kapwat oh tiahk pahn duwehte ahnsou me kitail kin iang towehda mihding kan en kaudok nan Kingdom Hall.” (om 131) Ahpw, se kin kilang me ekei brother oh sister kan kin doadoahngki likou me sohte konehng ni ahnsou me re kin mwemweitlahng Branch Ohpis kan. Atail likou oh kapwat anahne en konehng, soandi oh mwakelekel pwe met pahn kasalehda me kitail kin wauneki Siohwa Koht.​—1 Tim. 2:​9, 10.

Met kin kesempwal ni ahnsou me kitail pahn mwemweitlahng imwen Bethel kan oh Branch Ohpis kan pwehki mehn liki kan kin kalap tehk duwen mwomwen Sounkadehdehn Siohwa kan oh arail tiahk. Irail mehn liki pwukat kin kak koasoanehdi arail madamadau kan duwen sapwellimen Koht aramas akan oh pil sapwellime pwihn sang dahme re kilang. E pahn mwahu en kehsehkin irail me kin onop Paipel oh pil meteikan me kak mwemweitlahng imwen Bethel oh katamankin irail duwen soangen likou oh kapwat me konehng en doadoahngki wasao. Irail tohnpeneinei en Bethel pahn kalahnganki ahmw wia met.

Nin duwen sounpapah Kristian kan, kitail anahne kanahieng me atail likou oh kapwat sohte pahn kadipekelekelih emen. (2 Kor. 6:​3, 4) Ahpw, ni atail pahn doadoahngki soangen likou oh kapwat me konehng, kitail pahn “kapingahki atail padahk duwen Koht, atail Sounkomour.”​—Taitus 2:​10.