Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • km 3/08 p. 7
  • Koakon En Peidek

Sohte kasdo ong met

Kupwurmahk, mehkot sapwung en kihda kasdo

  • Koakon En Peidek
  • Atail Doadoahk ong Wehio—2008
  • Ire kan me Duwehte Met
  • Koakon En Peidek
    Atail Doadoahk ong Wehio—1998
  • Koakon En Peidek
    Atail Doadoahk ong Wehio—2002
  • Dahme Kahrehda E Kesempwal en Medewe Dahme Kitail Pahn Likawih oh Mwomwatail?
    Pereperenki Mour Kohkohlahte!​—Koasoiapene Duwen Paipel
  • Mwomwen Omw Likou Kin Kalinganahla Koht?
    Kahn Iroir Pakpakairki Wehin Siohwa (Ong Onop)—2016
Kilang Pil Ekei
Atail Doadoahk ong Wehio—2008
km 3/08 p. 7

Koakon En Peidek

◼ Soangen mwomwen likou dah me konehng ni ahnsou kan me kitail kin mwemweitla ni Kingdom Hall kan, Wasahn Kapokon kan, imwen Bethel kan, oh branch ohpis kan?

Nan sampah pwon, Kingdom Hall kan, Wasahn Kapokon kan, oh imwen Bethel kan iangahki branch ohpis kan kin wia wasa tohrohr kei me kin wiawihda ong sapwellimen Siohwa doadoahk. Pwehki wasa pwukat kin mwakelekel oh soandi mwahu, e kin wia wasa kei me wahun. Met kin inenen weksang dahme kitail kin kilang nan koasoandi suwed wet en Sehdan. Irail kan me kin pwarala wasa pwukat en pil kasalehda me irail wia sapwellimen Siohwa aramas ekei me kin kapwaiada kupwure.

Nin duwen Kristian kei, kitail anahne ‘kasalehda ni mehkoaros me kitail wia me kitail ladun Koht kei’ oh met pidada atail kapwat oh likou en kin soandi mwahu. (2 Kor. 6:3, 4) Kasikpe pil mie me kitail en kin tiahk mwahu. Ahnsou koaros kitail en kin kapwatada oh likouda ni mwohmw me konehng nin duwen sapwellimen Siohwa Koht ladu kei. Eri mehlel ni ahnsou kan me kitail kin mwemweitla ni poasen kaun me mih New York oh pil iangahki branch ohpis kan me mihmi nan sampah pwon.

Me pid duwen kesempwalpen likou oh kapwat me konehng, Pwuhken Organized to Do Jehovah’s Will (Pwihn Ehu me Koasoansoandi Mwahu Pwehn Kapwaiada Kupwuren Siohwa) kasalehda me konehng kitail en kin mwakelekel ni paliwar, likouda ni mwohmw me kasalehda wahu, oh kapwatada mwahu ni ahnsou me kitail kin kohla kalohk oh pil iang towehda mihding en Kristian kan. Oh ni pali 138, parakrap 3, e koasoia: “Tamataman me ahd wet Bethel kin wehwehki ‘Tehnpesen Koht.’ Kahrehda atail likou, kapwat, oh wiewia en kin pahrekiong dahme konehng kitail en wia ni atail kin iang mihding en kaudok ni Kingdom Hall.” Sounkalohk kan me kin mih karanih Bethel iangahki irail akan me kin seiloakdo sang wasa doh kan anahne kapwaiada mepwukat. Ni ar pahn wia met, irail kin kasalehda ar kalahngan oh wahu.—Mel. 29:2.

Mwomwen atail likou en kin kasalehda me kitail wia aramas ekei me “poadidi” ong Koht. (1 Tim. 2:10) Atail kin likouda oh kapwatada mwahu pahn sewese meteikan en wauneki kaudok mehlel ong Siohwa. Ahpw ekei riatail brother oh sister kan me kin mwemweitla wasa kan me sapwellimen Siohwa doadoahk kin wiawi ie, kin likawih soangen likou kan me sohte kasalehda wahu, de me sohte soandi mwahu, de pil nohn kasalpaliwar. Soangen likou pwukat sohte konehng Kristian kan en likawih sohte lipilipil iawasa re kohla ie. Ni irair wet, oh pil duwehte ni irair teikan koaros me pidada atail mour en Kristian, kitail kin men kolokol irair mwahu me kin kasalehda duwen wekpeseng en sapwellimen Koht aramas oh aramas en sampah wet oh kapwaiada mehkoaros me pahn wahdo lingan ong Koht.—Rom 12:2; 1 Kor. 10:31.

Eri ni ahnsou me ke pahn mwemweitla ni poasen kaun oh branch ohpis me mih New York de pil branch ohpis teikan, ni ahnsou me ke iang koasoandi en mwemweit ehu de ke pein mwemweit wasao, ke kak pein idek rehmw: ‘Iaduwen, ei likou oh kapwat kin pahrekiong uwen mwakelekel oh wahu en wasa me I pahn mwemweitla ie? E pahn kasalehda wahu ong Koht me I kin kaudokiong? Meteikan sou pahn kilikilangete de nsensuwedkihla mwomwen ei kapwatada?’ Kitail en ahnsou koaros likouda oh kapwatada ni mwohmw me pahn kahrehiong aramas en “kapingahki atail padahk duwen Koht, atail Sounkomour”!—Taitus 2:10.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share