Kahrepe Me Kitail Kin Poakohng Riatail Brother oh Sister kan Koaros (Our Whole Association of Brothers)
Iaduwen kitail kak kasalehda limpoak laud ong riatail brother oh sister kan mendahki kitail kin mihmi nan sampah wet me sohte limpoak? (1 Pit. 2:17) Iaduwen kitail kak kasalehong aramas teikan me atail limpoak ong riatail kan nan sampah pwon kin mie oh mehlel? (Madiu 23:8) Kitail kak wia met ni atail kin doadoahngki video cassette wet me oaralap koasoia Our Whole Association of Brothers. E kin kasalehda kahrepe kan me kitail kin limpoakpene nanpwungatail. Kilang ma ke kak sapeng peidek pwukat:
(1) Wiewia siluh dah kei riatail kan nan sampah pwon kin wia? (2) Iaduwen riatail kin kasalehda arail ngoangki kalohk (a) nan sapwtehn en Alaska, (b) nan wap laud kan en Iurop, oh (c) nan wahl en Peru? (3) Dahme sounkalohk kan kin doadoahngki me kin sewese arail kalohk en pweida mwahu? (4) Dahme kahrehda kitail en dehr ahneki pepehm me atail doadoahk en kalohk kin wia doadoahk ehu me sohte nohn kesempwal? (5) Kihda karasepe kan me kin kasalehda iaduwen Sounkadehdehn Siohwa kan kin kamweitih oh sewese riarail brother oh sister kan ni ahnsoun apwal duwehte ahnsoun rerrer en sahpw, melimel oh mahwen. (Menlau kilang dahme Takao koasoia nan Awake! en August 22, 1995, pali 23 oh pil dahme Kotoyo koasoia nan Awake! en October 22, 1996, pali 20) (6) Ni soangen ahl dah kan kitail koaros kak kasalehda limpoak me kin wia kasalepen atail wia pirien en Kristian? (Sohn 13:35) (7) Ia uwen laud me kitail anahne kesempwaliki mihding en mwomwohdiso kan? (8) Dahme brother oh sister kan wia oh nda me kin kasalehda me re mwekidki arail ahneki Kingdom Hall kapw ieu nan wasakis me sohte Kingdom Hall mahs? (9) Dahme riatail brother oh sister kan nan Eastern Europe oh Russia wia pwehn kakehlail arail pali ngehn mendahki kaunen wasa pwukat keinapwihdi riatail kan en kaudok oh kalohk wasa? (10) Pil ni ahnsou wet, dahme Sounkadehde tohto kin wia me kin kasalehda arail nannanti laud en iang towehda kapokon kan, oh pwekihda? Iaduwen met kin kangoange iuk? (11) Dahme kahrehda ke men wia uwen me ke kak en miniminpene nan atail kaudok ong Siohwa, oh sewese meteikan ahnsoun apwal, oh iang kalohk ahnsou koaros oh song en kalohk ong aramas koaros me kitail kin tuhwong? (12) Dahme kahrehda e pahn mwahu en naineki video cassette wet oh kasalehda video cassette wet ong aramas me kin perenki rong?