Kapokon en District oh International kan Kamwekid Kitail en Kalinganahda Koht!
Kapokon en District oh International kan me wiawihier me oaralap koasoia “Kalinganahda Koht”—kapokon pwukat kihda kadehde mwahu duwen Siohwa. Kapokon pwukat kin sewese kitail en kasarawi mwaren Siohwa oh “kapinga lingan en mware.” (Melkahka 96:8) Ni mehlel, Siohwa kin ketin warohng atail kaping pwehki sapwellime kepikpikda kan me kaselel, oh mehpwukat kin kasalehda duwen sapwellime irair kaselel kan.—Sohp 37:14; Kaudiahl 4:11.
Ni ahmw pahn tehk peidek kan me pwarada wasaht oh pil tehk dahme ke pein ntingihdi, ke kak kaunopada oh iang pasapeng ni atail pahn kousapahlih prokram en kapokon nan wihk me tepida October 20.
1. (a) Dahme kahrehda kitail kak nda me pelien sains oh pelien lamalam sohte kin kalinganahda Koht? (b) Ni ahl dah kan kitail kak ale kamwahu kan sang ni atail kalinganahda Koht? (Ser. 31:12; Kapahrek ong Wehi Pokon: “Ihs Me Kin Kalinganahda Koht Nan Rahnwet?”)
2. Ni ahnsou me Krais linganla, dahme met kasalehda me pahn wiawi nan atail ahnsou, oh iaduwen met kin kamwekid Kristian kan rahnwet? (Oaralap en Kapahrek: “Kasansal Lingan akan en Kokohp me kin Kangoange Kitail!”)
3. Ia ekei ahl en sawas me Siohwa kin ketikihong kitail ni ahnsou apwal akan? (Melkahka 37:39; “Siohwa, iei Atail ‘Wasahn Ruk Ni Ahnsou Apwal’”)
4. (a) Ni ahnsou me emen kin inoukihong Siohwa ah mour, dahme met kin pidada? (2 Kor. 5:15) (b) Nan rahnwet, soangen sawas dah kan me pahn kak sewese Kristian akan pwe ren kak mourki arail inou ong Koht? (“Kapwaiada Atail Inou kin Kalinganahda Koht”)
5. (a) Iaduwen pahpa/nohno kan ar kak idawehn mehn kahlemeng mwahu me Sises wia me kileldi nan Mark 10:14, 16? (b) Dahme ke perenki nan pwuhk kapw me oaralap koasoia Learn From the Great Teacher? (“Neitail Seri kan—Iei Sohso Kesempwal Ieu”)
6. Dahme kahrehda e kesempwal tohn mwomwohdiso koaros en kaidehn ihte kaunopada ong Onop en Kahn Iroir, ahpw en pil iang pasapeng ahnsoun onopo?
7. (a) Edetehn emen sohte pahn sakaula, keper dah kei e pahn lelohng ma e pahn nim sakau ekis daulih dahme konehng pein ih? (b) Iaduwen emen kak powehdi soangen kahpwal wet? (Mark 9:43; Episos 5:18; “Liksang Lidip en Kamamsakau”)
8. (a) Kitail inoukihda me kitail pahn kalinganahda Koht ni soangen ahl dah kan? (b) Dahme kitail pahn kak kamehleleki me kitail pahn alehdi ma kitail pahn doadoahngki dahme kitail sukuhliki ni Kapokon en “Kalinganahda Koht”? (Sohn 15:9, 10, 16; “ ‘Kumwail en Kihda Wa Tohto’ Ong Ni Kalinganpen Siohwa”)
9. Iaduwen prokram en kapokon wet ah kamwekid uhk en kalinganahda Koht?
[Kaokon nan Pali 1]
Ni atail doudouloale duwen kaweid mwahu me kitail sukuhliki sang kapokono, e pahn kak kamwekid kitail en doadoahngki dahme kitail sukuhlkihdi. (Pilipai 4:8, 9) Met pahn kakehlailihala atail ineng en “wia soahng koaros ong ni kalinganpen Koht.”—1 Kor. 10:31.