Koakon En Peidek
◼ E konehng en kileledi onop rehn ahmw peneinei ni ahnsou me ke pahn kapedolong ahmw ripoht en kalohk?
Ma pahpa oh nohno Kristian kin onop rehn arail peneinei oh ekei de koaros neirail seri kan saikinte papidais, pahpa de nohno kak ripohtki awa ehu nan wihk ehu, return visit ehu nan wihk ehu, oh Bible Study ehu nan sounpwong ehu. Met pahn wiawi mendahki onop rehn seri kan kin reirei sang awa ehu, pak tohto sang pak ehu, de onop rehn emen emen seri kin tohrohrpeseng.—Kilang pwuhken Our Ministry, pali 104.
Ma koaros nan peneinei papidaislahr nin duwen Sounkadehde kan, pahpa oh nohno kan sohte kak ripohtki awa kan de Bible Study nin duwen awahn kalohk (ihte ahnsou me pahpa de nohno men kak kileledi awa, return visit oh Bible Study iei ahnsou me emen neira seri papidaislahr ahpw saikinte kanekehla onop keriaun pwuhk). Met pwehki ripoht en mwomwohdiso pahn keieu kasalehda dahme wiawi nan doadoahk en kalohki Rongamwahu oh padahkihong irail me saikinte inoukihong Siohwa arail mour oh papidaisla duwen padahk mehlel sang nan Paipel. (Madiu 24:14; 28:19, 20) Ahpw, met sohte kin wehwehki me e sohte kesempwal en kaukaule onop rehn noumw seri kan.
Kristian pahpa oh nohno kan ahneki pwukoa en onop rehn neirail seri kan. Irail me anahne sawas ong koasoanehdi de kamwahuwihala arail koasoandi en onop en peneinei kak peki sawas rehn elder kan. Ma irair kan pahn kahrehda e kesempwal emen sounkalohk en onop rehn pwutak men de serepein men me saikinte papidaisla me nein peneinei en Kristian me kin mihmi nan mwomwohdiso, e pahn mwahu ma ke pahn koasoiong mahs Presiding Overseer de Sounapwalih en Kalohk mwohn ke pahn koasoanehdi onop rehn pwutako de serepeino. Ma eldero pahn nda me e mwahu en onop rehn pwutako de serepeino, ke kak kileledi ahmw Bible Study reh duwehte ahmw Bible Study teikan ni ahnsou me ke pahn kapedolong ahmw ripoht en kalohk.
Kaiahne seri kan ni elen Siohwa kin anahne ahnsou laud oh doadoahk laud sang dahme ke ntingihdi pohn ahmw ripoht en kalohk. (Deud. 6:6-9; Lepin Padahk 22:6) Se men kapinga Kristian pahpa oh nohno kan me kin kapwaiada arail pwukoa toutou en kekeirada neirail seri kan “ni kaiahn oh madamadau en Siohwa.”—Episos 6:4, NW.