Pali 8-Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu
Kahluwa Tohnsukuhl en Paipel kan ong Sapwellimen Siohwa Pwihn
1. Dahme kahrehda e kesempwal en ehukihong atail Paipel Study kan ehu ire me pid sapwellimen Siohwa pwihn ehuehu wihk?
1 Atail mehn akadei ni ahnsou me kitail kin onop Paipel rehn aramas akan kaidehn ihte en padahkiong irail padahk kan me kohsang nan Paipel, ahpw en pil kahluwa irail ong sapwellimen Siohwa pwihn. (Sekaraia 8:23) Brochure me oaralap koasoia Jehovah’s Witnesses—Who Are They? What Do They Believe? kak sewese kitail en wia met. Kihong irail Paipel Study kapw kan neirail brochure, oh kangoange irail en wadek. Oh pil, ehu ehu wihk, ke kak pilada ire kesempwal ehu me pid duwen sapwellimen Siohwa pwihn sang nan brochure wet pwe ken kak ehukihong ahmw Paipel Study ong kisin ahnsou kis.
2. Iaduwen ke kak kangoange tohnsukuhl en Paipel kan en kak iang towehda mihding en mwomwohdiso kan?
2 Mihding en Mwomwohdiso kan: Ehu ahl kesempwal me tohnsukuhl en Paipel kan kin kak kalahnganki sapwellimen Koht pwihn iei en kin werekiong kitail ni arail pahn iang mihding en mwomwohdiso kan. (1 Kor. 14:24, 25) Kahrehda, ke kak sewese ahmw Paipel Study en kak wehwehkihla duwen sapwellimen Siohwa pwihn ni ahmw pahn kawehwe ong irail duwen mihding limau me kin wiawi nan ehu ehu wihk. Kasalehiong ih oaralap en Kapahrek ong Wehi Pokon me pahn kin wiawi Rahn Sarawi en wihket. Oh pil, kasalehiong ih mehnia artikel en Kahn Iroir kitail pahn onopki oh pil mehnia pwuhk oh iawasa nan pwuhko me kitail kin onop ong Pwuhk Study en Mwomwohdiso. Kawehwe dahme kin wiawi nan Theocratic Ministry Sukuhl oh Service Mihding. Ni ahnsou me ke pahn wia ahmw padahk nan Theocratic Ministry Sukuhl, ke kak praktis ahmw padahk rehn ahmw Paipel Study. Ehukihong ih ire kesempwal kan me ke kin sukuhliki ni mihding kan. Doadoahngki kilel kan nan pwuhk kan pwehn sewese irail en medemedewe dahme kin wiawi nan mihding kan. Sangete ni ahnsou me ke tepida onop rehrail, luhke irail en iang towehda mihding kan.
3. Soahng dah kan me pid sapwellimen Siohwa pwihn me kitail kak koasoia?
3 Ni ahnsou me Kataman, kapokon kan, de mwemweit en Sounapwalih en Circuit pahn wiawi, koasoanehdi minit kei en kawehwe oh sewese irail en kekeirada arail ineng en iang koasoandi pwukat. Ekis ekis sapeng peidek pwukat: Dahme kahrehda kitail adanekihki Sounkadehdehn Siohwa kan? Dahme kahrehda kitail kin kahdaneki atail ihmw sarawi kan “Kingdom Halls”? Ia pwukoa kan en elder kan oh ministerial servant kan? Iaduwen Sounkadehde kan kin koasoanehdi doadoahk en kalohk oh wasahn kalohk? Iaduwen Sounkadehde kan kin wiahda neirail pwuhk kan? Sawaspen mwohni ong katanga koasoandi en Sounkadehde kan kin kohsang ia? Ia pwukoa kan en Branch Ohpis kan oh Governing Body ni arail kin apwalih doadoahk en Sounkadehde kan?
4, 5. Iaduwen kitail kak doadoahngki video cassette kan en sewese atail Paipel Study kan en wehwehki oh kalahnganki sapwellimen Siohwa pwihn?
4 Video kan kin Wia Mehn Kasukuhl kan: Pil ehu ahl me tohnsukuhl en Paipel kan kak sukuhliki duwen sapwellimen Siohwa pwihn iei ni arail pahn kilang neitail video kan. Video cassette me oaralap koasoia To the Ends of the Earth kin kasalehda duwen doadoahk en kalohk me kin wiawi wasa koaros nan sampah, oh video cassette me oaralap koasoia Our Whole Association of Brothers kin kasalehda duwen riatail brother oh sister kan me kin mihmi wasa koaros nan sampah, oh video cassette me koasoia United by Divine Teaching kin kasalehda duwen minimin me Sounkadehdehn Siohwa kan kin ahneki nanpwungarail.” Emen lih me kin ale neitail makisihn kan, brochure kan oh pwuhk kan erein sounpahr limau sengiseng ni ahnsou me e kilang video cassette me oaralap koasoia Jehovah’s Witnesses—The Organization Behind
[Kilel nan Pali 8]
(Doulahng ni pali 7)