Ke Kin Doadoahngki Handbill kan?

Rahn ehu, emen pwutak me sounpahr 11 diarada handbill me kasalehda me Kapahrek pahn wiawi me pid duwen oaralap “ehl.” E nda: “I men rong duwen oaralapo pwehki likamwete I kin ahnsou koaros wia dahme sapwung, oh I kin pwunodki ma I pahn lekdekla nan kisiniei en ehl ni ahnsou me I pahn mehla.” E kohla rong Kapahreko, oh sounpahr ehu mwuri, mwurin ah onop Paipel, e papidaisla. Ihme tepikihda en Karl Klein ah mour en papah Siohwa nin duwen Kristian mehlel men, oh mwuhr Bro. Klein wiahla kisehn pwihn en Governing Body en Sounkadehdehn Siohwa kan erein sounpahr tohto. Mehpwukat koaros tepikihda handbill ehu.

Handbill kan kin wia mehn doadoahk mwahu ong kalohk rahnwet. Sounkalohk tohto kin diarada me ni ahnsou me irail men tepida koasoiong aramas, irail kin doadoahngki handbill. Pahpa oh nohno kan kak sewese neirail seri kan en tepida kalohk ni arail pahn sewese neirail seri kan en kaunopada padahk en kihla handbill kan. Irail sounkalohk kan me kin nting kisinlikou pwehn kalohk ong aramas teikan kin kak kasalehda duwen mihding kan ni arail pahn kihong handbill kan nan envelope kan iangahki neirail kisinlikou. Oh pil, kitail kak doadoahngki handbill kan ni atail pahn luhke atail Paipel Study kan oh aramas teikan en iang towehda mihding kan.

Ke kin doadoahngki mwahu handbill kan nan ahmw kalohk?