Doadoahk Me Pahn Wiawi Wasa Koaros Nan Sampah Me Pahn Pakairki Duwen Kapokon En District Me Oaralap Koasoia “Komourala Kerendohr!”
Sounkalohk kan nan Mwomwohdiso Koaros Pahn Kihseli Handbill Tohrohr kan
1 Nan 2006, tepida nan Northern Hemisphere en sampah, oh pil sounpwong en mwuri kan lao lel Kapokon en District en pahret pahn nek, doadoahk ehu pahn wiawi me pahn pakairki duwen Kapokon en District kan me pahn wiawi nan sahpw 155 samwa. Doadoahk wet pahn pil wiawi nan wasa kan me kapokon tohrohr kan pahn wiawi nan Germany, Czech Republic, oh Poland nan sounpwong en July oh tepin wihk en August 2006.
2 Pwehki kitail mihmi nan imwin rahn akan, kitail pahn sukuhliki nan kapokon kan duwen sapwellimen Koht inou kan en kapitala aramas mwahu kan sang koasoandi suwed wet. Rohng wet pahn kamwekid aramas en medemedewe dahme pahn wiawi ni ahnsou kohkohdo. Pwehn kak kihong aramas tohto arail ahnsou en rong duwen koapworopwor wet me pahn kamweit irail, se kangoange Sounkadehdehn Siohwa kan nan mwomwohdiso 98,000 en iang doadoahk wet en luhke aramas en iang kapokon wet.
3 Se pahn kihong mwomwohdiso kan handbill kan me itar ong emen emen sounkalohk en naineki 50. Ma handbill tohto mie, pioneer kan nan mwomwohdiso kak kihseli mepwukat. Nan mwomwohdiso koaros, doadoahk en kihseli handbill kan pahn tepida wihk siluh mwohn rahn en Kapokon en District. Ni ahl wet, sounkalohk kan kak kihseli handbill kan wasa koaros nan wasahn kalohk.
4 E pahn mwahu ma kitail kak pein kihong tohnihmwo handbill ehu. Ahpw, ma tohnihmw sohte mie, kitail kak kihdi handbill ehu pahn wenihmwo pwe aramas sohte kak kilang handbill oh ese me aramas sohte mie. Kitail pahn nantihong kihla handbill koaros erein wihk siluh.
5 Se koapworopworki me doadoahk wet pahn kihda mehn kadehde mwahu ni atail pahn pakairki duwen Kapokon en District me oaralap koasoia “Komourala Kerendohr!” Se kapakapki me Siohwa pahn kapaia ahmw nannanti ni ahmw iang doadoahk wet me pahn wiawi wasa koaros nan sampah.