(1) Peidek, (2) Iren Paipel, oh (3) Irelaud

E pahn mengei en kihla pwuhken Dahme Paipel Uhdahn Padahngki? ni atail pahn (1) kihda ehu peidek, (2) wadek ehu iren Paipel me pid peideko, oh (3) kasalehda irelaud en pwuhk wet me koasoia duwen ireo. Ke kak wadek tepin peidek kan pahnangin oaralap en irelaudo. Ma tohnihmw pahn perenki rong, mwein ke kak kamwomwada ia duwen onop en Paipel eh kin wiawi ni omw pahn doadoahngki tepin parakrap kan nan irelaudo. Met kak tepiada ehu onop en Paipel rehn emen me ke ahpwtehn tuhwong de ni omw pahn pwurala reh.

◼ “Ia omw madamadau, kitail aramas kak uhdahn esehla atail Sounkapikada nin duwen iren Paipel wet eh kin mahsanih?” Wadek Wiewia 17:26, 27, oh mweidohng tohnihmw en sapeng. Mwurin mwo, kasalehda irelaud 1.

◼ “Pwehki soangen kahpwal kan me kitail kin ahneki, ke medewe me kitail kak ahneki koapworopwor oh diarada nsenamwahu duwehte dahme iren Paipel wet kin mahsanih?” Wadek Rom 15:4, oh mweidohng tohnihmw en sapeng. Mwurin mwo, kasalehda irelaud 2.

◼ “Ma mie omw manaman, ke pahn wiahda wekidekla pwukat me sansalda nan iren Paipel wet?” Wadek Kaudiahl 21:4 oh mweidohng tohnihmw en sapeng. Mwurin mwo, kasalehda irelaud 3.

◼ “Ia omw madamadau, neitail seri kan pahn kak paiekihda kapai kan me sansal nan iren Paipel wet?” Wadek Melkahka 37:10, 11 oh mweidohng tohnihmw en sapeng. Mwurin mwo, kasalehda irelaud 3.

◼ “Ia omw madamadau, ehu rahn, iren Paipel wet pahn uhdahn pweida?” Wadek Aiseia 33:24 oh mweidohng tohnihmw en sapeng. Mwurin mwo, kasalehda irelaud 3.

◼ “Mie pak ke medemedewe ma me melahr akan kin ese dahme kitail kin wiewia?” Mweidohng tohnihmw en sapeng. Mwurin mwo, wadek Eklesiasdes 9:5 oh kasalehda irelaud 6.

◼ “Ia omw madamadau, kitail kak pwurehng tuhwong kompoakpatail me melahr duwehte me Sises mahsanih nan iren Paipel wet?” Wadek Sohn 5:28, 29 oh mweidohng tohnihmw en sapeng. Mwurin mwo, kasalehda irelaud 7.

◼ “Ia omw madamadau, dahme anahne wiawi pwe kupwuren Koht en kak pweida pohn sampah duwehte nanleng nin duwen kapakap wet kin kasalehda?” Wadek Madiu 6:9, 10 oh mweidohng tohnihmw en sapeng. Mwurin mwo, kasalehda irelaud 8.

◼ “Ia omw madamadau, kitail kin momour ni imwin rahn akan duwehte me kokohp en Paipel wet kin kohpada?” Wadek 2 Timoty 3:1-4 oh mweidohng tohnihmw en sapeng. Mwurin mwo, kasalehda irelaud 9.

◼ “Aramas tohto kin medemedewe dahme kahrehda kahpwal kan kin susuwedla. Ke medewe me iren Paipel wet kin kihda kahrepeo?” Wadek Kaudiahl 12:9 oh mweidohng tohnihmw en sapeng. Mwurin mwo, kasalehda irelaud 10.

◼ “Ia duwe, ke sou men ese pasapengpen peidek wet me mi nan iren Paipel wet?” Wadek Sohp 21:7 mweidohng tohnihmw en sapeng. Mwurin mwo, kasalehda irelaud 11.

◼ “Ia omw madamadau, ke medewe me kaweid en Paipel wet kak sewese peneinei kan en diarada nsenamwahu nan arail mour?” Wadek Episos 5:33 oh mweidohng tohnihmw en sapeng. Mwurin mwo, kasalehda irelaud 14.

Ke kak ripohtki onop en Paipel ehu ma ke wiaier onopo pak riau mwurin omw tepin kamwomada onopo oh ke kamehlele me onopo pahn doulahte wiawi.