Ia Duwen Atail Kak Kihla Pwuhken Paipel Padahngki
Doaropwe wet kin kihda padahk kan me kitail kak doadoahngki pwehn kihla pwuhken Paipel Padahngki. Ke pahn pweida ma ke pahn doadoahngki pein omw lokaia kan, wekidala padahk pwukat ong aramas akan nan omw wasahn kalohk, oh esehla ire kan nan pwuhko me ke kak doadoahngki. Ke pil kak doadoahngki padahk teikan me pahn mwahu ong nan omw wasahn kalohk.
Armakedon
◼ “Ahnsou me aramas kin rong lepin lokaia ‘Armakedon,’ me tohto kin medewe duwen kamalahn aramas tohto. Ia duwe, ke pahn kak kamehlele me Armakedon iei mehkot me kitail kak kasikasik? [Mweidohng tohnihmw en sapeng. Mwurin mwo, wadek Kaudiahl 16:14, 16.] Menlau tehk ia duwen pwuhk wet eh kin koasoia duwen ia pahn mwomwen mour mwurin Armakedon.” Pahkalahng pali 94 oh wadek parakrap 21.
Ihmw
◼ “Nan wasa tohto, e kin apwal en imwaneki ihmw mwahu ehu. Ke medewe me ehu rahn aramas koaros pahn kak imwaneki ihmw mwahu? [Mweidohng tohnihmw en sapeng. Mwurin mwo, wadek Aiseia 65:21, 22 oh parakrap 20 nan pali 38.] Pwuhk wet kin kasalehda ia duwen sapwellimen Koht inou wet eh pahn pweida.”
Kahpwal kan
◼ “Ni ahnsou me aramas kin lelohng kahpwal kan, me tohto kin medemedewe ma Koht kin uhdahn ketin nsenohkin aramas oh tehk arail lokolok kan. Mie pak ke pil medewe duwen met? [Mweidohng tohnihmw en sapeng. Mwurin mwo, wadek 1 Piter 5:7 oh parakrap 11 nan pali 12-3.] Pwuhk wet kin kasalehda ia duwen Koht eh pahn ketikihsang kahpwal kan koaros me aramas kin lelohng.” Kasalehda tepin peidek kan nan pali 122.
Kapakap
◼ “Mie pak me ke medemedewe ia duwen Koht eh kin ketin sapeng kapakap kan? [Mweidohng tohnihmw en sapeng. Mwurin mwo, wadek 1 Sohn 5:14, 15 oh parakrap 16-18 nan pali 198-9.] Irelaud wet pil kin kasalehda dahme kahrehda kitail anahne kapakap ong Koht oh dahme kitail anahne wia pwe Koht en karonge kitail.”
Mahwen/Popohl
◼ “Aramas koaros men ahneki popohl. Ke medewe me popohl kak mihla wasa koaros nan sampah? [Mweidohng tohnihmw en sapeng. Mwurin mwo, wadek Melkahka 46:8, 9.] Pwuhk wet kin kasalehda ia duwen Koht eh pahn ketin kapwaiada kupwure kan oh kahrehda popohl en mihla wasa koaros nan sampah.” Kasalehda kilel nan pali 39 oh koasoiapene parakrap 17-21 nan pali 37-8.
Mehla/Iasada
◼ “Aramas tohto kin medemedewe dahme kin wiawihong emen ni ahnsou me e pahn mehla. Ia duwe, ke medewe me kitail kak esehla met? [Mweidohng tohnihmw en sapeng. Mwurin mwo, wadek Eklesiasdes 9:5 oh parakrap 5-6 nan pali 64-5.] Pwuhk wet pil kin kasalehda dahme Paipel kin inoukihda ong irail me melahr.” Kasalehda kilel nan pali 85.
◼ “Pali laud en kitail men pwurehng tuhwong kompoakepatail me melahr, kaidehn? [Mweidohng tohnihmw en sapeng.] Koapworopwor en iasada nan Paipel kin sewese aramas tohto. [Wadek Sohn 5:28, 29 oh parakrap 16-17 nan pali 81-2.] Irelaud wet pil kin sapeng peidek pwukat.” Kasalehda tepin peidek kan nan pali 74.
Mour Soutuk
◼ “Pali laud en aramas men ahneki roson mwahu oh mour werei. Ia duwe, ke men ahneki mour soutuk? [Mweidohng tohnihmw en sapeng. Mwurin mwo, wadek Kaudiahl 21:3, 4 oh parakrap 17 nan pali 59.] Pwuhk wet kin kasalehda ia duwen atail kak alehdi mour soutuk oh ia pahn mwomwen atail mour ahnsowo.”
Paipel
◼ “Aramas tohto kin nda me Paipel iei Mahsen en Koht. Mie pak me ke medemedewe dahme kahrehda kitail kak nda met mendahki aramas me ntingihdi Paipel? [Mweidohng tohnihmw en sapeng. Mwurin mwo, wadek 2 Piter 1:21 oh parakrap 5 nan pali 21-2.] Pwuhk wet kin kihda pasapeng kan sang nan Paipel ong peidek pwukat.” Kasalehda peidek kan nan pali 6.
◼ “Rahnpwukat, aramas kak sukuhlki soahng tohto. Ia omw madamadau, ia wasa kitail kak diarada kaweid mwahu kan me kak sewese kitail en ahneki mour nsenamwahu? [Mweidohng tohnihmw en sapeng. Mwurin mwo, wadek 2 Timoty 3:16, 17 oh parakrap 12 nan pali 25.] Pwuhk wet kin kasalehda ia duwen atail kak mourki mour me pahn kaperenda Koht oh ia duwen eh pahn wia kamwahu ong kitail.” Kasalehda pali 140-1.
Pelien Lamalam
◼ “Aramas tohto kin tepida medewe me pelien lamalam kan kin kahrehda kahpwal kan. Ke medewe me pelien lamalam kan kin kaweidih aramas ni ahl me pwung? [Mweidohng tohnihmw en sapeng. Mwurin mwo, wadek Madiu 7:13, 14 oh parakrap 5 nan pali 168.] Irelaud wet kin kihda ire weneu me kin kasalehda kaudok me Koht kin kupwurki.” Kasalehda pali 169.
Peneinei
◼ “Kitail koaros men ahneki mouren peneinei me nsenamwahu, kaidehn? [Mweidohng tohnihmw en sapeng.] Paipel mahsanih duwen mehkot me tohnpeneinei koaros en wia pwehn ahneki mouren peneinei me nsenamwahu. Met iei en kahlemengih Koht en kasalehda limpoak.” Wadek Episos 5:1, 2 oh parakrap 4 nan pali 155.
Siohwa Koht
◼ “Aramas tohto men karanihala Koht. Ke ese me Paipel kin luke kitail en karanihala ih? [Mweidohng tohnihmw en sapeng. Mwurin mwo, wadek Seims 4:8a oh parakrap 20 nan pali 18.] Pwuhk wet wiawihda pwehn sewese aramas akan en esehla Koht ni arail kin doadoahngki pein neirail Paipel.” Kasalehda tepin peidek kan nan pali 8.
◼ “Aramas tohto kin kapakapki mwaren Koht en sarawihla. Ahpw ia duwe, mie pak ke medemedewe ia mwaren Koht? [Mweidohng tohnihmw en sapeng. Mwurin mwo, wadek Melkahka 83:18 (NW) sang nan parakrap 1 nan pali 225 oh parakrap 2-3.] Pwuhk wet kin kasalehda dahme Paipel uhdahn padahngki duwen Siohwa Koht oh kupwure kan ong aramas.”
Sises Krais
◼ “Aramas tohto kin rong duwen Sises Krais. Ekei kin nda me Sises ihte aramas ndand men. Meteikan kin wiahki ih Koht Wasa Lapalahpie oh kin kaudokiong ih. Ia duwe, ke medewe me e kesempwal dahme kitail kin kamehlele duwen Sises Krais?” Mweidohng tohnihmw en sapeng. Mwurin mwo, wadek Sohn 17:3 oh parakrap 3 nan pali 41-2. Kasalehda tepin peidek kan pahnangin oaralap en irelaud wet.
[Kilel nan Pali 5]
Duwen Atail Kak Kawehweh Duwen Koasoandien Meirong
“Ma ke men kihda kisin sawas ong at doadoahk en sampah pwon rahnwet, I pahn perenki ale.”
“Se kin kihla nait pwuhk kan ni soh isepe. Ahpw se kin perenki ale kisin sawas ong at doadoahk me kin wiawi sampah pwon.”
“Mwein ke kin medemedewe ia duwen at kin apwalih at doadoahk. At doadoahk kak wiawi pwehki sawas me aramas kin pein toukihda. Ma ke men wiahda kisin sawas rahnwet, I pahn perenki ale.”