Doadoahngki Video kan Pwehn Padahk
1. Iaduwen Siohwa kin doadoahngki ouraman oh kaudiahl kan pwehn padahk ong sapwellime ladu kan en mahs, oh iaduwen soahng pwukat kin wia lipwalipw laud ong irail?
1 Ekei pak, Siohwa kin ketin doadoahngki kasansal kan oh ouraman kan ni ahnsou e kin kawehwe ire kesempwal kan ong sapwellime ladu kan en mahs. Medemedewe duwen kasansal en kuruma me Esekiel kilangada. (Esekiel 1:1-28) Medewehla pepehm en Daniel ni ah ouramanda kokohp me pid duwen wehi kan me kakaun sampah. (Daniel 7:1-15, 28) Oh pil, medemedewe kaudiahlo me wahnpoaron Sohn kilangada “nin duwen kilel kan” me pid duwen dahme pahn wiawi ni “Rahnen Kauno.” (Kaudiahl 1:1, 10) Siohwa kin ketin doadoahngki ouraman kan oh kaudiahl kan pwehn padahk ong Esekiel, Daniel oh Sohn oh ouraman/kaudiahl pwukat kin wiawi nan color lingan oh wiewia kapwuriamwei kin mihmi loale, oh ouraman/kaudiahl pwukat kin wia lipwalipw laud ong arail madamadau.
2. Dahme kitail kak doadoahngki pwehn kawehwehiong meteikan duwen padahk mehlel sang Paipel?
2 Ma kitail men kawehwehiong meteikan duwen padahk mehlel sang Paipel me pahn wia lipwalipw laud ong arail madamadau, kitail kak doadoahngki neitail video kan en wia met. Neitail video kan kin pidada oaralap tohto oh met kin kakairada atail likih Paipel, sapwellimen Siohwa pwihn, oh pil kaweid kan me sewese kitail en mour nin duwen Kristian kei. Ahnsou wet, kitail pahn koasoiapene duwen ekei ahl kan me kitail kak doadoahngki neitail video kan en padahk. Iei ekei video kan me kitail kak doadoahngki.
3. Mehnia video ke pahn kasalehiong ahmw Paipel Study ni ahnsou me ke men sewese ih en karanih sapwellimen Siohwa pwihn?
3 Nan Kalohk: Ke kin ndaiong ahmw Paipel Study duwen minimin en riatail Kristian kan me kin mihmi wasa koaros nan sampah? Kasalehiong ih duwen riatail kan sang ni ahmw pahn kasalehiong ih video me ede “Our Whole Association of Brothers.” Ke kak kihong ih video wet en kilang mwohn amwa ahnsoun onop de kumwa kak kilang video wet ni ahnsou me kumwa tuhpene ong onop. Mwurin mwo, ke kak doadoahngki peidek kan nan Atail Doadoahk Ong Wehio en June 2002 pwehn kousapahl.
4. Mehnia video kan me irail me pwulopwul kan kak doadoahngki nan sukuhl?
4 Kumwail me pwulopwul kan, kumwail kak koasoiong amwail sounpadahk kan ma kumwail kak kasalehiong amwail class video pwukat: “Jehovah’s Witnesses Stand Firm Against Nazi Assault” de “Faithful Under Trials—Jehovah’s Witnesses in the Soviet Union.” Ke kak ndaiong ahmw sounpadahk me ke pahn kaunopada doaropwehn peidek en kousapahl sang peidek kan me mihmi nan Atail Doadoahk Ong Wehio en June 2001 de February 2003.
5. Mehnia video me pahpa oh nohno kan kak doadoahngki ahnsoun onop en peneinei?
5 Kasalehiong Peneinei oh Kompoakpahmw kan: Pahpa oh nohno kan, medemedewe ia uwen noumwail seri kan laudla sang ahnsou me kumwail tepin kilang video me ede “Young People Ask—How Can I Make Real Friends?” Kumwail soh pwurehng kilang video wet ni ahnsou me kumwail tuhpene ong amwail onop en peneinei? Mwurin mwo, kumwail kak doadoahngki peidek kan nan Atail Doadoahk Ong Wehio en April 2002 pwehn kousapahlih dahme kumwail kilang.
6. Iaduwen kumwail kak koasoanehdi ahnsou kangoang kan rehn riamwail brother oh sister kan nan mwomwohdiso?
6 Mie riamwail brother oh sister kan nan mwomwohdiso me kumwail men luhkeiong nan imwamwail? E pahn wia kangoang laud en kilang video me ede “Respect Jehovah’s Authority” oh mwurin mwo, kumwail kak kousapahl ni amwail pahn doadoahngki peidek kan sang Atail Doadoahk Ong Wehio en September 2004.
7. Ia pil ekei ahnsou mwahu kan me kitail kak doadoahngki neitail video kan?
7 Pil Ekei Ahnsou Mwahu kan: Iaduwen ke kak doadoahngki neitail video 20 me kin pidada soangsoangen oaralap kan? Ke kak kasalehiong aramas men me ke kin pwurehng pwurala reh pwehn sewese ih en kekeirada ni pali ngehn? Ke kak kasalehda neitail video kan nan imwen me mah kan? Ke kak kasalehda neitail video kan ong tohn ahmw peneinei, mehn mpomw kan de iengomw tohndoadoahk kan me saikinte wiahla Sounkadehde kan? Neitail video kan kin wia lipwalipw laud ong madamadau en aramas akan oh kihda mehn kasukuhl mwahu kan. Doadoahngki neitail video kan en wia padahk.