Kalaudehla Atail Koahiek nan Doadoahk en Kalohk​—Doadoahngki Kisin Kasdo kan nan Omw Padahk

DAHME KAHREHDA E KESEMPWAL:

Kisin kasdo kan kak sair mohngiong en aramas ni eh kin kamwakid ahn aramas koahiek en rongorong oh kilang mehkot. Met kin sewese ren rongorong oh tamataman mehkan me re kilangehr. Siohwa ketin kasalehda mehn kahlemeng mwahu en doadoahngki soangen mehn sawas kan me kitail kak kilang pwehn padahk.​—Wiewia 10:9-16; Kaud. 1:1, 2.

Kisin kasdo kan Does God Have a Name?, Who Is the Author of the Bible?, oh How Can We Be Sure the Bible Is True? kak kadoadoahk pwehn sewese iren mehn kasukuhl 2 oh 3 en kisin pwuhken Rohng Mwahu. Kisin kasdo kan Dahme Kahrehda Ken Onopki Paipel?, Dahme Kin Wiawi ni Ahnsoun Onop Paipel?, oh Dahme Kin Wiawi nan Atail Wasahn Kaudok? kin kangoange aramas akan en kin onop Paipel rehtail de iang towehda mihting kan en mwomwohdiso. Ekei kasdo reirei kan ele kak kadoadoahk erein onop en Paipel kan.​—km 5/13 3.

IA DUWEN OMW PAHN WIA MET:

• Download kisin kasdo me ke men kasalehiong tohnihmwo

• Kaunopada peidek ehu de riau me pahn pasapengla nan kisin kasdo

• Kilangpene kisin kasdo

• Koasoiapene ire kesempwal kan

SONG WIA MET:

• Kasalehda mwurin ehu neitail kisin doaropwe kan, oh kasalehiong irail kisin code me re kak kolahng kilang kisin kasdo Dahme Kahrehda Ken Onopki Paipel?

• Kasalehda kisin kasdo How Can We Be Sure the Bible Is True? oh kihla kisin pwuhken Rohng Mwahu, kasansalehda iren mehn kasukuhl 3