Mehn Doadoahk kan me kin Kasukuhlih, Kamwekid oh Kakehlail
1 Irail kin manaman pwe re kin kasukuhlih aramas akan duwen Pwuhk Sarawi oh Sounkadehdehn Siohwa kan. Re kin kamwekid aramas akan pwehn kesihnenda teng nan padahk mehlel. Re kin kakehlailih pwoson oh kalahngan en sapwellimen Koht aramas inoudahr kan. Dahme se koasoia wasaht? Video cassette kan me sapwellimen Siohwa pwihn kin wiahda. Ke kilangehr video cassette koaros me re wiahdahr (meh eisek)? Iahd me ke kilang video cassette pwukat—ahpwtehn? Ke kin doadoahngki video cassette pwukat nan kalohk? Nan Kapokon en District me ahpwtehn wiawi, re pakairki pil ehu video cassette (kaeisek ehu en cassette me Society kin wiahda) me oaralap koasoia Our Whole Association of Brothers. Ke oahtehr noumw cassette wet? Iaduwen ke kak paiekihda sang mehn doadoahk kaselel pwukat?
2 Nan Watchtower [lokaiahn wai] en July 1, 1999 [Kahn Iroir en December 1, 1999] e koasoia: “kitail kak katohrehla ekis atail ahnsoun onop en kilang video cassette en Society . . . oh mwuri koasoia duwen met.” Pwehki kaweid mwahu wet, nan atail Service Mihding (pak ehu nan sounpwong riau) kitail pahn koasoia duwen ehu video cassette me Society wiahda. Se kangoange koaros nan mwomwohdiso en kilang video cassette me kitail pahn koasoia nan Service Mihding mwohn re pahn iang towehda mihdingo.
3 Sounpwonget kitail pahn tepida koasoia duwen keieun video cassette me Society wiahda me oaralap koasoia Jehovah’s Witnesses—The Organization Behind the Name. Kilang oh rong video cassette wet oh song en sapeng peidek pwukat:
◼ Dahme Sounkadehdehn Siohwa kan kin wia me aramas tohto kin esehki irail?
◼ Soahng koaros me wiawi nan Bethel kin pid mehnia iren Paipel?
◼ Mehnia ahnsou me mihmi nan Paipel me ke kilang nan video cassette en Society me re kileldi oh mahlenihdi pwehn doadoahngki nan neitail pwuhk kan?
◼ Dahme ke kin pwuriamweikihla me pid duwen iaduwen Society kin wiahda pwuhk kan, brochure kan, makisihn kan oh tract kan?
◼ Sang pahr 1920 lel 1990, pwuhk, brochure, makisihn oh tract depe me Society wiahda?
◼ Ihs nanpwungen sapwellimen Koht aramas akan kak keieu nantihong pwehn kak iang Bethel?—Lepin Padahk 20:29.
◼ Ni ahl dah kan me peneinei en Bethel kin wia mehn kahlemeng mwahu ong koaros Sounkadehdehn Siohwa kan?
◼ Dahme ke kin pwuriamweikihla me pid doadoahk nan Bethel pwehn kak kalohki Rongamwahu ong aramas tohto?
◼ Iaduwen mwohni kan ong pwainda mehkan me anahn pwehn katanga doadoahk en kalohk wasa koaros nan sampah?
◼ Doadoahk dahieu kitail kak utungada ni ngoang, oh ni ngehn dahieu kitail kak wia met?—Sohn 4:35; Wiewia 1:8.
◼ Ia ahmw pepehm duwen sapwellimen Siohwa pwihn me kin adaneki Sounkadehdehn Siohwa kan?
◼ Iaduwen ke kak doadoahngki video cassette wet ong kalohk?
Nan December, kitail pahn kousapahlih video cassette me oaralap koasoia The Bible—Accurate History, Reliable Prophecy.