Dahme Ke Pahn Wiahiong Ahmw Mour?
1 Kitail ekei pak kin idek rehn seri kan, “Dahme ke men wiahla ahnsou me ke laudla?” Ahnsou me ke wia kisin pwutak men, ke sou men nda me ke wiahla cowboy? soun kakun kisiniei (fireman)? de emen sounapwalih circuit? De ahnsou me ke wia kisin serepein men, ke sou men nda me ke wiahla soun kahlek men (ballerina)? nurse men? misineri men? Met ni ahmw laudlahier, ke anahne idek rehmw pil ehu peidek, ‘Dahme I pahn wiahiong ahi mour?’ Ke kakehr en pilada?
2 En seweseiuk en wiahda pilipil me keieu mwahu, pwihn en Siohwa wiadahr ehu DVD me adaneki Young People Ask—What Will I Do With My Life? Menlau kilang oh medemedewe audepe kan, drama, interview kan, oh pil ire kei me patehng audepe kan. Audepe kan iei me kairekdi nan koakon me nda “Main Menu.”
3 Drama: Ahnsou me ke kilang drama wet, ken medemedewe peidek pwukat: (1) Dahme duwepenehte nanpwungen Timoty me mie koasoiepe nan Palien Pwuhk Sarawi ni Lokaiahn Krihk, oh Andre? (Wiewia 16:1; 1 Timoty 4:8; 2 Timoty 1:5) (2) Iaduwen en Andre kin mih pahn idihd pwe en deila nan mwadong kan, oh sang rehn ihs? (3) Ahn ihs kaweid mwahu kan me kin kamwekid Timoty oh Andre, oh ni ahl dah kan? (2 Timoty 1:1-4; 3:14, 15) (4) Iaduwen mehn peneu kan nan Madiu 6:24 oh Pilipai3:8 kin kamwekid Andre, oh iaduwen e kak kamwekid uhk?
4 Wasa kei nan Drama: Mwurin ahmw kilangehr dramao pwon, pwurehng katanga (play) kasdo oh sapengla peidek pwukat. “Pohl oh Timoty”: Pohl kaimwisekihla mehnia peneu ong Timoty? (2 Timoty 4:5) “Kihong Siohwa Wen Ahmw kak Koaros”: Soangen mehn akadei en pali ngehn dah kan me ke ahneki? Kesihnenda Uhki Siohwa”: Ia wasa peren mehlel kin kohsang ie? “En Nohno Kahlap Kaweid kan”: Dahme sapwung en men wiahla emen me wadawad nan sampah en Sehdan wet? (Madiu 4:9) “Sohte Koluhkihla”: Dahme dierekda me kak sewese uhk en nsenamwahuki pweidahn ahmw mour?—Lepin Padahk 10:22.
5 Interview kan: Ni ahmw kilang ehuehu irair en interview kan, dahme ke kilangada me kak sewese uhk en kihong Siohwa wen ahmw kak koaros? (1) “Inoukihong ahmw mour en rapahki mour en sampah me sohte katepe de en wia kupwuren Koht?” (1 Sohn 2:17); (2) “Sukuhliki en perenki ahmw doadoahk en kalohk” (Melkahka 27:14); oh (3) “Wenihmw ehu me Langalang ong Doadoahk en Kalohk.”—Madiu 6:33.
6 Kilangla Mwuri: Ke kak sapeng? (1) Soangen doadoahk dah kan me brother oh sister kan kin nantiong en rapahki oh pwekida? (2) Iaduwen ahr kin pweida? (3) Dahme wiawi nan arail mour me kahrehda re wiahda wekidekla kan? (2 Korint 5:15) (4) Soangen doadoahk en theocratic dah kei me wiliandi arail doadoahk en mahs, oh dahme kahrehda re pehm me re sohte kak en wia ira koaros? (5) Irail kin koluhkihla arail wekidala arail mehn akadei kan nan arail mour? (6) Dahme re koasoia me kahrehda ke en medemedewe laud dahme ke men wiahiong ahmw mour?
7 Ekei Ire kan nan Interview: Nan interview pwukat, dahme ke sukuhliki me ke kak wia pwe en kadoadoahk ong pein uhk en kalaudehla ahmw papah Siohwa? (1) “Kesempwalpen en Wia Pein Ahmw Onop,” (2) “Ekei Wiepe Teikan en Kalohk,” (3) “Doadoahk en Bethel,” (4) “Kasukuhl en Doadoahk en Misineri en Gilead,” oh (5) “Ministerial Training School.” Kousapahlih “Index to Published Information on Related Subjects,” oh kalaudehla wadek duwen dahme ke kin keieu perenki ese.
8 Eri, ke piladahier dahme ke men wiahiong ahmw mour? Pohl kangoangehki Timoty: “Pwerisekiong oh poadidiong wiewia soahng pwukat, pwe aramas koaros en kak kilang omw kekeirda.” (1 Timoty 4:15) Se kangoange uhk en alasang dahme ke kilangehr oh rongehr nan DVD wet. Peki Siohwa en sewese uhk en ni erpit wiahda pilipil me pahn uhdahn kihong uhk peren oh nsenamwahu nan ahmw mour en ahnsouwet oh pil kating kan me kaperen nin ahnsou kohkohdo.
[Kawehwehpen kilel kan nan ehu ehu pali 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
To navigate around the menus, use the Next ▶, ◀ Back, oh Main Menu buttons.