Mehn Kataman kan en Katamano

Elder kan anahne tehk kanahieng ire pwukat me pid kaunopada ong Katamano:

◼ Tehk kanahieng pwe pilawa oh wain sohte pahn pahs lao ketipin kihrla.

◼ Soangen pilawa oh wain me konehng anahne kaunopada.—Kilang The Watchtower, en lokaiahn wai en February 15, 2003, pali 14-15.

◼ Dahl kan, kep klas kan, oh tehpel oh pwainen tehpel anahne wisikdohr mwowe nan Kingdom Hall oh pwildi mwohn Kataman pahn tepida.

◼ Kingdom Hall oh wasa teikan me Kataman pahn wiawi ie anahne kamwakelehda mwahu.

◼ Anahne mwadang pilada attendant kan oh padahkiong irail me pahn pahs pilawa oh wain duwen arail pwukoa kan, wiepe konehng kan me re pahn idawehn, oh anahnepen likawih likou me konehng.

◼ Koasoandi kan anahne en wiawihda pwe pilawa oh wain en pahs ong irail me keidi kan me soumwahu oh sohte kak iang towehda Kataman.

◼ Ni ahnsou me mwomwohdiso tohto sang ehu pahn doadoahngki ehute Kingdom Hall, e anahne en mie koasoandi mwahu nanpwungen mwomwohdiso kan pwe en dehr koait nan wasahn kommoal kan de wasahn pidelong kan, pohn wasahn alu kan, oh wasahn peidi en sidohsa kan.

◼ Ma mie wasa teikan me Kataman pahn wiawi ie, tehk kanahieng en mie sound system mwahu pwe koaros me iang towehda en kak rong padahk.