Branch Letter

Kaselel Riat kan:

Se aleier kisinlikou ehu nan sounpwong en May sang pwihnen wia pilahn oh kokou ihmw nan Poasen Kaun en Sounkadehdehn Siohwa kan. Ni ahnsou me kisinlikou wet wadawad ong peneinei en Bethel nimensengo re uhdahn perenkihda. Kisinlikou wet koasoia: “Se perenki en kairehkin kumwail me Jared oh Marisa Fruciano oh pil Travis oh Lacey Brooks pilipilda en sewese pwihnen kou Kingdom Hall nan Guam.”

Brother Fruciano me wia sounapwalih en pwihnen kokou Kingdom Hall oh Brother Brooks wia sounsawas. Re pahn kereniong wia doadoahk en kauwada mpen ihmw 30 nan Micronesia pwon iangahki kokoudahn Kingdom Hall kan, imwen misineri kan oh ohpis en kawehwe kan.

Nan September oh October, Brother Christopher Broad sang branch ohpis en Australia pahn wia kasukuhl en kawehwe nan Palau. Pwihnen kawehwe en Marshall oh Ruk nan Hawaii oh pil irail kan nan Pohnpei, Kosrae, oh Yap iangehr paiekihda kasukuhl wet.

Governing Body kamanalahr en pwainda imwen apartment me limwahnte branch ohpis. Pwihnen kawehwe en Ruk me pahn mih nan ihmw wet. Irail meh wenemen me kohsang sahpw teikan iangahki brother oh sister kan me pahn iang sawas sang Guam me pahn onehda sapahl ihmw wet. Se kasikasik en kilang pwihnen kawehwe en Ruk en tapihada arail doadoahk wasaht ni ahnsoun keren!

Riamwail brother kan,

Branch Ohpis en Guam