Kaunopada Mwahu ong Kataman

Ia uwen kaperen oh pwais kaselel ong sapwellimen Krais tohnpadahk kan en kaunopada mwahu ong katamanpen kamatalahn Sises Krais! (Luk 22:19) Dahme kitail anahne wia pwehn kaunopada ong Kataman?

◼ Kuloak oh Wasa: Koaros anahne ese kuloak depe oh ia wasa Kataman pahn wiawi. Ma mwomwohdiso tohto sang ehu pahn doadoahngki Wasahn Kaudok ehu, e kesempwal pwe koaros en mwadang lel wasao oh mwadang mwesel mwurin mihting nekier pwehki ahnsou mwotomwotte mie mwohn mwomwohdiso teio pahn doadoahngki. E anahne en mie koasoandi mwahu pwe en dehr koait nan wasahn pidelong de pedoi, nanial oh wasahn peidi sidohsa.

◼ Doaropwe en Luhk: Sounkalohk koaros aleier neirail doaropwe en luhk kan oh esehlahr audepe kan? Ke kamwomwadahier mwomwen omw pahn kihla doaropwe wet? Ihs me ke pahn luke? Kitail anahne nantihong kihla doaropwe en luhk koaros.

◼ Mehn Peidaid: Ekei iangahki riatail kan pahn anahne mehn peidaid de sawas teikan. Soangen koasoandi dah kan me wiawihda pwehn apwalih arail anahn akan?

◼ Pilawa oh Wain: Tehk kanahieng pwe pilawa oh wain sohte pahn pahs lao ketipin kihrla. Koasoandi kan anahne wiawihda pwe pilawa oh wain en pahs ong irail me keidi kan me soumwahu oh sohte kak iang towehda Kataman. Kitail anahne kaunopada pilawa oh wain me konehng mwohn Kataman pahn tepida.​—Kilang Kahn Iroir, February 1, 2003, pali 23 oh 24, parakrap 14 oh 17.

◼ Wasahn Kaudok: Kitail anahne kamwakelehda mwahu atail Wasahn Kaudok mwohn rahnen Kataman. Kitail anahne wahla dahl kan, kep klas kan, oh tehpel oh likou en tehpel oh kihong ni wasa me konehng mwohn Kataman pahn tepida. Ma kitail pahn doadoahngki ehu wasa tohrohr ong Kataman, kitail anahne tehk kanahieng ma mie sound system mwahu pwe koaros me iang towehda en kak rong padahk. Koasoanehdi mwowe mehnia brother kan me pahn apwalih irail me pahn iang towehda oh mehnia brother kan me pahn apwalih pilawa oh wain. Padahkihong irail arail pwukoa kan, koasoandi kan, oh mwomwen arail likou oh kapwat me konehng.

Pwehki Katamanpen Kamatalahn Sises Krais iei ahnsou me keieu kesempwal, emenemen kitail anahne kaunopada mwahu oh pil nin duwen mwomwohdiso ehu. Siohwa pahn ketin kapaiada irail koaros me kin kasalehda arail kalahnganki soahng koaros me e ketikihda ki meirong en sapwellime Ohlo, iei Sises Krais.