Dahme Kitail Kak Koasoia Duwen Makasihn kan
Kahn Iroir November 2010
“Aramas koaros nin sampah me mie arail pelien lamalam kin kapakap. Ke lemeleme me Koht kin uhdahn karonge oh sapengla kapakap akan? [Rong pasapeng.] Paipel kin kangoange kitail en kapakap. [Wadek Pilipai 4:6, 7.] Makasihn wet kin kasalehda pasapeng en Paipel ong peidek limau duwen kapakap me aramas kalapw idek.”
Kahn Iroir November 2010
“Ni ahnsou me aramas akan kin kapakapki ‘Kapakap en Samat,’ re kin peki Wehin Koht en ketido. Ia omw madamadau, dahme pahn wiawi ni ahnsou me Wehin Koht pahn ketido? [Rong pasapeng.] Paipel kin padahkihong kitail duwen soahng kaselel kan duwen me pahn wiawi. [Wadek Aiseia 25:8.] Ire wet nan pali 7 kin kawehwehda dahme Wehin Koht pahn wia.”
Kahn Iroir December 2010
“Kitail koaros kin men ahneki mour nsenamwahu kaidehn? Ke leme mwohni me kitail anahne pwehn nsenamwahu? [Rong pasapeng.] Emen me iang ntingihedi Paipel esehla ia duwen eh kak nsenamwahu ni ahnsou me dahme e ahneki tikitik sang dahme e anahne. [Wadek Pilipai 4:11, 12.] Makasihn wet kihong kitail ewen kahk limau ong nsenamwahu me dierek nan Paipel.”
Kahn Iroir December 2010
“Ke lemeleme e kin apwallahng pahpa oh nohno kan en padahkihong neirail seri kan duwen tiahk mwahu? [Rong pasapeng.] Mahsen en Koht kin kawehwehda dahme kahrehda e pahn apwal. [Wadek 2 Timoty 3:1, 3.] Ehu ire me pahpa oh nohno tohto kin apwalki koasoiaiong neirail seri kan iei me pid wia nsenen pwopwoud. Ire wet nan pali 18 en makasihn wet kin kihda sawas mwahu ong pahpa oh nohno kan.”