Me Pwulopwul kan Kin Idek—Ia Duwen Ei Kak Ahneki Kompoakepah Mehlel kan?
Siohwa ketin kapikada aramas akan pwe ren kin koasoipene oh wiahla kompoakepah kan. (Lep. Pad. 17:17; 18:1, 24) Pwe soangen kompoakepah pwukat en wia kamwahu ong koaros, kitail anahne kanahieng pilada kompoakepatail kan. (Lep. Pad. 13:20) Mwurin ahmw kilang kasdo en Young People Ask—How Can I Make Real Friends? (Me Pwulopwul kan Kin Idek—Ia Duwen Ei Kak Ahneki Kompoakepah Mehlel kan?), ke pahn kak sapeng peidek pwukat?
Tepin Kasdou:
(1) Ia wehwehn kompoakepah mehlel?
Soahng kan me Irehdi Kompoakepahnki Meteikan:
(2) Ia duwen atail kak powehdi pepehm me sohte me kin tehk kitail? (Pil. 2:4) (3) Dahme kahrehda kitail men kamwahwihala pein kitail, oh ihs me kak sewese kitail en wia met? (2 Kor. 13:11) (4) Ia duwen atail kak wiahda ahnsou mwahu pwehn kompoakepahnki meteikan?—2 Kor. 6:13.
Kompoakepahnki Koht:
(5) Ia duwen atail kak kakairada nanpwungmwahu rehn Siohwa, oh dahme kahrehda atail nantihong wia met katapan? (Mel. 34:8) (6) Ni atail wiahki Siohwa kompoakepatail me keieu mwahu, soangen kompoakepah mwahu dah kan me kitail kak ahneki?
Kompoakepah Sohte Konehng kan:
(7) Ihs me werek suwed? (1 Kor. 15:33) (8) Ia duwen werek suwed kan ar kak kauwehla atail nanpwungmwahu rehn Siohwa?
Sipai en Atail Ahnsou:
(9) Dahme kitail sukuhlki duwen ire kan me pid Daina? (Sen. 34:1, 2, 7, 19) (10) Ia duwen Tara eh song en nda me eh werekiong me pwulopwul kan me sohte iang padahk mehlel sohte sapwung? (11) Soangen keper dah me iengen Tara tohnsukuhl ko kahrehiong en lelohng? (12) Dahme kahrehda ahn Tara pahpa oh nohno sohte kilang kepero me e mi loale? Ahpw ni ahnsou me ira esehda kahpwalo, ia duwen ara sewese ih en kamwahwihala eh nanpwungmwahu rehn Siohwa? (13) Ia duwen sister pioneer men eh kasalehda me e wia kompoakepah mehlel men ong Tara? (14) Ia duwen Tara eh wekidala eh madamadau?
Ni Kaimwisekala:
(15) Dahme ke sukuhlki sang kasdo wet? (16) Ia duwen ahmw kak doadoahngki kasdo wet en sewese meteikan?
Kitail en pilada werek kan me pahn sewese kitail en kolokol kompoakepah me keieu mwahu, iei kompoakepahnki Koht.—Mel. 15:1, 4; Ais. 41:8.