Re Uhdahn Mwekidki Arail Kilang Video Cassette wet!
1 Peneinei en Kristian kan wasa koaros nan sampah kin kasalehda me re uhdahn kalahnganki oh mwekidki arail kilang video cassette me oaralap koasoia Young People Ask—How Can I Make Real Friends? Emen pahpa nan United States koasoia me mwurin ih oh eh peneinei kilang video cassette wet, nah pwutak kan mwomwohd oh nennenwei pwehki re wehwehki oh mwekidki dahme re kilang! Ripoht ehu sang Malawi kasalehda me brother oh sister pwulopwul kan wasao inenen mwekidki dahme re kilang nan video cassette wet pwehki soangen kahpwal kan me re kin lelohng nan sukuhl kin duwehte dahme re kilang nan video cassette wet. Emen pahpa nan Sehmen koasoiahki video cassette wet: “I men kasalehda ahi pepehm duwen video cassette wet—e wia pasapengpen ahi kapakap akan.” Emen sister pwulopwul koasoia: “I men kalahngankihong kumwail me wiahda video cassette wet pwe e kin katamankin ie me Siohwa kin poakpoake ie.” Emen elder nan New Zealand ripohtki: “Video cassette wet sewese emen sister pwulopwul nan aht mwomwohdiso en pwurehng kehlailda oh kekeid nan ahl en mour soutuk.” Emen sister me pwopwoud kilang video cassette wet oh koasoia: “E pahn keieu mwahu ma irail koaros me pwulopwul kak kilang video cassette wet oh mwekidki padahk mehlel nan pein arail mour!” Kumwail peneinei kan, dahme kumwail soh pwurehng kilang video cassette wet? Mwurin mwo, kumwail kak koasoipene duwen peidek pwukat.
2 Tepin Koasoi nan Video Cassette wet: Ia wehwehn kompoakepah mehlel?—Lepin Padahk 18:24.
3 Soahng kan me kin Kauwehla Nanpwungen Riemen: Iaduwen ke kak powehdi pepehm me aramas teikan kin pohnsehse iuk? (Pilipai 2:4) Dahme kahrehda ke anahne song en kamwahuwihala ahmw irair kan, oh ihs me kak sewese iuk pwehn wia met? Dahme ke kak wia pwehn kompoakepahnki aramas mwahu tohto, oh iawasa ke pahn kak diar soangen aramas pwukat?—2 Kor. 6:13.
4 Kompoakepahnki Koht: Iaduwen ke kak ahneki nanpwung mwahu rehn Siohwa, oh dahme kahrehda met kesempwal? (Mel. 34:8) Ihs me keieu mwahu en kakehlada ahmw nanpwung mwahu rehn Koht?
5 Werek Suwed: Soangen aramas dah kan kin wia werek suwed? (1 Kor. 15:33) Iaduwen werek suwed kin kahrehong emen en luwetala ni pali ngehn oh mwuri kakete kesehla padahk mehlel? Dahme ke kak sukuhliki sang dahme Pwuhk Sarawi kin mahsanih duwen Daina?—Sen. 34:1, 2, 7, 19.
6 Spai en Atail Ahnsou: Iaduwen Tara mwekidkihda eh sangat? Iaduwen e kin kawehwehda me e kakete wiewia dahme mwahu mendahki e kin werek suwed? Pwehki Tara kin werek suwed, soangen keper dah kan e lelohng? Dahme kahrehda en Tara eh pahpa oh nohno sohte kasawihada irair keper me e mihmi loale, oh ni ara ahneki soangen lamalam dahieu me re kak sewese ih en pwurehng kehlailda ni pali ngehn? Iaduwen emen sister me iang doadoahk en Regular Pioneer wia kompoakepah mehlel ong Tara? Dahme kahrehda Kristian akan anahne kapwaiada Lepin Padahk 13:20 oh Seremaia 17:9? Soangen mehn kasukuhl kesempwal dahieu me Tara sukuhliki?
7 Kousapahl: Soangen mehn kasukuhl dah kan ke sukuhliki sang video cassette wet? Iaduwen ke kak doadoahngki video cassette wet en sewese meteikan?—Mel. 71:17.