Kisin Wiepen Padahk kan

Pwehn Tapihada Onop en Paipel kan ni Tepin Rahn Kaunop en March

“Se men koasoiong komwi ni mwotomwot pwehki mehkot me pahn wiawi ni April 14. Ih rahno me wia rahnen katamanpen pwoulahn Sises. Ekei pahn katamanda met pwehki re pehm me sapwellime pwoula me kesempwal. A ekei sohte nohk wehwehki kesempwalpen pwoulahn Sises. Ia duwe, komw medemedewe me sapwellimen Sises pwoula kin wia kamwahu ong emenemen kitail?” Mweidohng tohnihmw en sapeng. Kasalehiong tihnsewen Kahn Iroir en March 1 oh kumwa tehkpene ire me mi pahn keieun peidek oh wadekpene ehu iren Paipel ko de tohtohsang. Kihong makasihno oh koasoanehdi ken pwurala kumwa koasoia keriaun peidek.

Kahn Iroir March 1

“Aramas tohto kin men ese dahme kahrehda Koht sohte kin ketin wia mehkot pwehn kauhdi irair sapahrek oh lokolok nan sampah. Ia duwe, komw medemedewe me met pwehki Koht sohte kin ketin nsenohki duwen met? De pwehki e ketin medewe me e mwahu aramas en kin lokolok? [Mweidohng tohnihmw en sapeng. Mwuri, wadek Sohn 3:16.] Mendahki me tohto kin kasalehda iren Paipel wet pwehn kasalehda me Koht kin ketin nsenohki aramas, irail sohte kin nohk wehwehki ia duwen pwoulahn sapwellimen Koht ohlo kin wia kamwahu ong irail. Makasihn wet kawehwehda ia duwen pwoulahn Sises eh kin kahrehiong irair sapahrek oh lokolok nan sampah en kak imwisekla.”