Ngoangkihte Kangoange Emenemen ong Wiewia me Mwahu

Ipru 10:24 kangoange kitail en “nsenoh sawaspene ni kasalepen atail limpoak oh atail wiewia mwahu kan.” Kitail kak kamwakid riatail kan sang mehn kahlemeng kan me kitail wia oh sang kasalepen atail pwoson. Ehukihong meteikan nan mwomwohdiso soahng mwahu kan me ke kin lelohng. Mweidohng ren kilang peren me ke kin ahneki ni omw kin papah Siohwa. Ahpw, dehr kapahrekihong irail ong kowe de meteikan. (Kal. 6:4) Song ken doadoahngki omw kehl en kangoange meteikan ong kasalepen arail ‘limpoak oh arail wiewia mwahu kan,’ ahpw kaidehn arail pepehm en suwedki mehkot me kahrehda arail wiewia mwahu kan. (Kilang pwuhken Ministry School p. 158, par. 4.) Ma kitail kangoange kasalepen limpoak, eri wiewia mwahu kan​—duwehte sewesehki meteikan arail anahn en war kan de atail kalohk ong irail—apw pahn pwarada.​—2 Kor. 1:24.