Mweidohng Manaman en Mahsen en Koht en Doadoahk ni Omw Kin Kalohk
Ni ahnsou me aramas emen kin mweidohng kitail en ehukihong ih rongamwahu, kitail en isaneki ahnsou mwahwo oh mweidohng manaman en Mahsen en Koht sang ni atail pahn wadek ire kan sang nan Paipel. Met sansalda ni mihting tohrohr en sounpar nekiero. Sounapwalih me kin seiloak wia padahk me oaralap ketihtihki “Mweidohng Manaman en Mahsen en Koht en Doadoahk ni Omw Kin Kalohk.” Ke tamatamante ire kesempwal ko?
Dahme kahrehda sapwellimen Siohwa mahsen kan uhdahn manaman sang atail?—2 Tim. 3:16, 17.
Ia duwen Paipel eh kin kamwakid pepehm kan, wekid mwomwen madamadau kan, kamwahwihala wiewia kan, oh kamwakid atail tiahk kan?—Menlau kilang Kahn Iroir en June 1, 2012, p. 30, par. 7.
Ni ahnsou me kitail kin wadek ire ehu ong emen nan kalohk, ia duwen omw kak kahrehiong eh madamadau en pahrekiong sapwellimen Koht Mahsen kan ni ahl ehu me kin kasalehda wahu?—Menlau kilang pwuhken Ministry School, p. 148, par. 3-4 oh Atail Doadoahk ong Wehio March 2013, p. 6, par. 8.
Dahme kahrehda e kesempwal kitail en kawehwe oh kawehwehda ireo me kitail wadek, oh ia duwen atail kak wia met?—Wiewia 17:2, 3; menlau kilang pwuhken Ministry School, p. 154, par. 4 to p. 156, par. 5; Kahn Iroir en February 1, 2010, p. 19 par. 16-17.