Duwen Atail Kak Doadoahngki Pwuhken Paipel Padahngki Pwehn Tepiada Onop en Paipel

E pahn kaperen ma kitail kak tepiada onop en Paipel kan. Pwuhken Dahme Paipel Uhdahn Padahngki? kak sewese kitail en wia met. Pali 3-7 en pwuhk wet kak sewese kitail en kamwakid tohnihmw en men onop Paipel. Sounkalohk kapw kan pil kak tepiada onop en Paipel kan ma re pahn doadoahngki pali pwukat.

◼ Ke kak doadoahngki wiepe wet oh pali 3 en pwuhk wet:

Mwurin omw pahn koasoia kahpwal ehu me aramas akan nan omw wasahn kalohk kin pwunodki, kasalehiong tohnihmwo peidek kan me kileldi nan pali 3 oh mweidohng ih en kasalehda ia eh madamadau. Mwurin mwo, kasalehda pali 4-5.

◼ De ke kak tepikihda pali 4-5:

Ke kak nda, “E sou pahn mwahu ma soahng pwukat pahn uhdahn wiawi?” De ke kak idek, “Mehnia inou me ke mwahuki en pweida?” Rong kanahieng dahme tohnihmwo pahn sapengki.

Ma tohnihmwo pahn kasalehda mehnia iren Paipel me e perenki, kasalehiong ih dahme Paipel kin padahngki duwen ireo ni omw pahn doadoahngki parakrap kan nan pwuhk wet me koasoia ireo. (Kilang koakon nan pali wet.) Doadoahngki parakrap kan ni mwomwen omw kin wia onop en Paipel. Met kak reireiki minit 5 lel 10 ni ahnsou me ke pahn ahpwtehn tuhwong tohnihmwo.

◼ Ke pil kak doadoahngki pali 6 pwehn mweidohng tohnihmw en kasalehda eh madamadau:

Kasalehiong tohnihmw peidek kan me mi nan pali 6 oh idek, “Mie pak ke kin medewe peidek pwukat?” Ma e men koasoia ehu peidek, kasalehda parakrap kan nan pwuhk wet me pahn sapengla peideko. (Kilang koakon nan pali wet.) Ni amwa pahn tehkpene ireo, met wiahier tepin onop en Paipel.

◼ Ke kak doadoahngki pali 7 pwehn kamwomwada onop en Paipel:

Wadek tepin sentence siluh nan pali 7, oh pahkalahng irelaud 3 oh kamwomwada ia duwen onop en Paipel eh kak wiawi ni omw pahn doadoahngki parakrap 1-3. Koasoanehdi en pwurehng pwurala reh pwehn koasoiapene pasapengpen peidek kan nan parakrap 3.

◼ Ia duwen omw kak koasoanehdi en pwurala rehn tohnihmw:

Ni kaimwiseklahn tepin amwa onop, koasoanehdi en pwurehng pwurala reh. Ke kak nda: “Nan minit keite, kita sukuhlkier dahme Paipel kin padahngki duwen ire kesempwal ehu. Mwuhr, kita kak koasoia [kihda ehu peidek]. I kak pwurodo wihk kohkohdo nan soangen ahnsou wet?

Pwehki rahnen Siohwa kerendohr, e kin kaukaule ketikihong kitail dahme kitail anahne pwehn kapwaiada atail doadoahk. (Mad. 28:19, 20; 2 Tim. 3:17) Kitail en doadoahngki mwahu pwuhk wet pwehn tepiada onop en Paipel kan.

[Kilel nan Pali 3]

Koasoiepen Iren Paipel kan nan Pali 4-5

◻ Kaudiahl 21:4 (pp. 30-1, pars. 1-3)

◻ Aiseia 33:24; 35:5, 6 (p. 40, par. 22)

◻ Sohn 5:28, 29 (pp. 81-2, pars. 17-19)

◻ Melkahka 72:16 (p. 38, par. 19)

Pasapeng kan ong Peidek kan nan Pali 6

◻ Dahme kahrehda kitail kin lelohng lokolok kan? (pp. 124-5, pars. 6-8)

◻ Ia duwen atail kak powehdi kahpwal kan nan atail mour? (pp. 212-3, pars. 1-3)

◻ Ia duwen atail peneinei kak nsenamwahu? (pp. 164-5, par. 20)

◻ Dahme kin wiawi ni ahnsou me kitail kin mehla? (pp. 64-5, pars. 5-6)

◻ Kitail kak pwurehng tuhwong kompoakpatail kan me melahr? (pp. 81-2, pars. 17-19)

◻ Ia duwen atail kak kamehlele me Koht pahn kapwaiada sapwellime inou kan ni ahnsou kohkohdo? (p. 28, par. 17)