Kalaudehla Atail Koahiek nan Doadoahk en Kalohk—Kalohk nan Wasahn Pesines kan
Dahme Kahrehda E Kesempwal: Pwehki aramas tohto kin doadoahk awa tohto, ahl me keieu kalapw mwahu en ehukihong irail rohng en Wehio iei sang kalohk nan wasahn pesines kan. Kalohk nan wasahn pesines kan kak kaperen oh pweida, pwehki pahn kalapw mie tohndoadoahk kan oh tohndoadoahk kan kin kalapw kadekohng oh kasamwo aramas akan me pwarodohng arail wasahn pesines kan. Pwe kitail en kak pweida, sounkalohk kan anahne doadoahngki lokaia kadek oh dehdehki mwahu oh kasalehda wahu ni likou oh kapwat. (2 Kor. 6:3) Ihme kahrehda, sounapwalih en kalohk anahne tetehk kanahieng mwomwen doadoahk en kalohk nan wasahn pesines ong ihs oh pak depe kalohk kin wiawi wasao.
Song Wia Met Erein Sounpwongo:
Song wia met nan amwail Kaudok en Peneinei, kamwomwada wiepen koasoi mwotomwot me ele ke pahn doadoahngki nan wasahn pesines kan ma ke pahn kalohk nan wasahn pesines kan.