Anahne Kaunopada Pwehn Padahk ni Koahiek

Peidekohte me pid mour soutuk kohwohng Sises ele ni ahnsou wekpeseng riau, ahpw ehuehu en ahnsou pwuko mwomwen eh kin sapeng kin wiawi ni ahl ehu me pahrekiong anahn en me kalelapako. (Luk 10:25-28; 18:18-20) Ahpw, mendahki kitail wehwehki audepen pwuhken onop en Paipel, kitail anahne kaunopada mwowe ni atail medemedewe kamwahupen tohnsukuhlo. Soangen ire dah kan me ele e pahn apwalki wehwehki de pwungki? Mehnia rehn iren Paipel kan me kileldi me sen wadekpene? Ia uwen tohtohn ire me se kak onopki? Ele kitail pahn anahne en kaunopada ehu karasaras, ehu kalaudepen kawehwe, de peidek kan me pahn sewese tohnsukuhlo en koledi ireo. Patehng met, pwehki Siohwa me kin ketin kakairada weren padahk mehlel nan mohngiong en tohnsukuhlo, kitail anahne peki sapwellime kapai ong atail kaunopada onop rehn neitail tohnsukuhlo, oh en ketin kapaia atail nanti en sewese ih en kakairada eh esehla me mehlelo.​—1 Kor. 3:6; Seims 1:5.