Kapinga Siohwa, Sounkaronge Kapakap

Kapakapki duwen inou kan me ke wiahiong Siohwa

61:1, 8

• Atail kapakapki atail inou kan kin kalaudehla atail nantihong kapwaiada inou pwukat

• Atail inoukihong Koht atail mour iei inou me keieu kesempwal me kitail kak wiahda

Kasalehda likih Siohwa ni omw kapakap oh patohwanohng audepen omw mohngiong

62:8

• Kapakap mehlel ehu kin pil pidada omw pepehm loal kan

• Ma kitail kin kapakapki soahng kan ni oaritik, atail kin kilang ni sansal sapwellimen Siohwa pasapeng kan kin laudla

Siohwa iei Sounkaronge kapakap en me mohngiong pwung kan koaros

65:1, 2

• Siohwa kin ketin karonge “aramas koaros” me kin ni mehlel men esehla ih oh wia kupwure

• Kitail kak kapakap ong Siohwa ahnsou soh lipilipil

Ntingihedi ekei ire kan me ke men kapatahiong nan omw kapakap.