Kihsang Soahng Sohte Nohn Kesempwal nan Atail Mour Kin Sewese Kitail Kapinga Koht

Rahnwet e kin mengei en kedirapwahkihala atail mour soahng tohto. Kitail anahne ahnsou oh kehl pwehn pwainda, apwalih oh pere atail kepwe kan. Sapwellimen Sises elen mour sohte kin mweidohng kepwe kan en kihsang eh ahnsou ong sapwellime doadoahk en kalohk.​—Mad 8:20.

Ia duwen omw kak kihsang soahng kan me sohte nohn kesempwal nan omw mour pwe ken kak kalaudehla omw wia sapwellimen Koht doadoahk? Emen sang nan omw peneinei kak iang pioneer ma kumwail wiahda wekidekla kan nan amwail koasoandi kan? Mehnda ma kowe emen me kin kihong pali laud en omw ahnsou ong sapwellimen Koht doadoahk, ia duwe, ke kin ekisekis mweidohngehr kepwe kan en kedirapwahla omw mour? Atail kihsang soahng kan me sohte nohn kesempwal nan atail mour ni atail papah Siohwa kin imwikihla mour nsenamwahu.​—1Tim 6:7-9.

Ntingihedi wiepe kan me ke kak kamengeihala omw mour.