Uhdihsang “Raparapahki Ehu Kamwahu ong Pein Kowe”

45:2-5

Ele Paruk emen me iang sukuhl laud oh kin doadoahk nan tehnpesen nanmwarki. Mendahki e kin kaudokiong Siohwa oh kin lelepek sewese Seremaia, mie ehu ahnsowo me e sohla kin toupahrek. E tepida “raparapahki ehu kamwahu,” ele ni e song en ndandla nan tehnpas en nanmwarkio de men kepwehpwehla. E anahne kapwungala eh madamadau pwehn kak pitsang kasohrlahn Serusalem me pahn wiawi.