Kalaudehla Atail Koahiek nan Doadoahk en Kalohk​—Koasoiong Aramas Koaros nan Atail Wasahn Kalohk

DAHME KAHREHDA E KESEMPWAL: Sekaraia kohpada me aramas akan sang ni lokaia koaros en wehi kan pahn mwekidki rohng mwahu kan. (Sek 8:23) Ahpw ihs me pahn padahki irail? (Ro 10:13-15) Kitail ahneki pwais oh pwukoa en ehukihwei rohng mwahu ong aramas koaros nan atail wasahn kalohk.​—od-E 84 par. 10-11.

IA DUWEN OMW PAHN WIA MET:

• Kaunopada. Ke kin tuhwong aramas akan me kin lokaiahki ehu lokaia tohrohr? Ke kak doadoahngki JW Language app pwehn sukuhlki ehu kisin wiepen padahk mengei. De ni omw doadoahngki noumw tablet de cellphone ape, ke kak kasalehiong aramas emen ia duwen eh pahn kak rapahkihda ire kan ni pein eh lokaia nan jw.org

• Tetehk mwahu wasa. Ma ke kalohk ihmw lel ihmw, dehr katihasang ahnsou mwahu kan en kalohk ong irail kan me alialu de me mihmi nan sidohsa kan. Ma ke kin iang kalohk ong wehipokon, medemedewehte omw mehn akadei en kalohkohng emen

• Pwerisekiong wia met. Pwurepwurehng pwurala pwehn song en koasoiong irail me sohte mi ni imwarail kan ni omw tepin kohla ni ihmwo. Nantihong koasoiong emen ni ihmw koaros, ele ni ahnsou sohte lipilipil rahno de ehu rahn nan wihko. Ele kitail pahn anahne koasoiong ekei tohnihmw kan ni atail pahn doadoahngki kisinlikou, delepwohn, de kalohk nanial akan

• Pwurehng pwurala. Mwadang pwurala rehn irail kan me perenki rong. Ma aramaso kin lokaiahki ehu lokaia tohrohr, song rapahkihda emen me kak sewese ih ni eh lokaiao. Ke anahne pwurupwurala rehn aramaso lao emen sounkalohk me kin lokaiahki eh lokaiao tuhwong ih.​—od-E 94 par. 39-40

KILANG KISIN KASDO PREACHING IN “THE MOST DISTANT PART OF THE EARTH,” OH MWURI SAPENGALA PEIDEK PWUKAT:

• 

  Soangen kaunopada dah me brother oh sister ko wia pwehn kalohk ong aramas akan nan wasa doh kan? (1Ko 9:22, 23)

• 

  Soangen kahpwal dah kan me irail anahne powehdi?

• 

  Soangen kapai dah kan me re perenki?

• Dahme ke kak wia pwe ken koasoiong aramas tohto nan omw wasahn kalohk?