Kalaudehla Atail Koahiek nan Doadoahk en Kalohk​—Kalohk ong Emen me Kin Lokaiahki Ehu Lokaia Tohrohr

Dahme Kahrehda E Kesempwal: Siohwa kin ketin nsenohki nanpwungmwahu en sapwellime aramas akan reh “sohte lipilipil ih soangen aramas dah.” (Wiewia 10:34, 35) Ihme kahrehda, Sises ketin kasalehda me rongamwahwo pahn kalohkiseli “wasa koaros nin sampah” oh “ong aramas koaros.” (Mad. 24:14) Sekaraia kohpadahr me aramas “sang ni lokaia koaros en wehi kan” pahn rong. (Sek. 8:23, NW) Nin duwen kaudiahl me Sohn kilangada, irail ako me pitsang kahn kamakam kowahlap pahn iangahki aramas akan me “kohsang nan wehi koaros, ni kadaudok koaros, nan sahpw koaros, oh lokaia koaros.” (Kaud. 7:9, 13, 14) Nin duwen me sansaldahr mwowe ko, ahnsou me kitail kin tuhwong aramas emen me kin lokaiahki ehu lokaia tohrohr, kitail pahn song en kalohk ong ih.