Kalaudehla Atail Koahiek Nan Doadoahk En Kalohk​—Doadoahngki Peidek kan me Pahn Kamwakid Emen

DAHME KAHREHDA E KESEMPWAL: Ma “madamadau en aramas kin rasehng pihl me mi nan pwarer loal,” eri peidek kan duwehte pekid ehu me pahn idipasang. (Lep 20:5) Peidek kan kin kahrehiong irail me kitail kin koasoakoasoiong kan ren iang koasoi. Pasapeng kan ong peidek kan me ke pilada ni keneinei en doadoahngki kin kalapw kasalehda mwahu arail madamadau. Sises kin ketin doadoahngki peidek kan me pahn kamwakid emen. Ia duwen atail kak kahlemengih ih?

IA DUWEN OMW PAHN WIA MET:

• Idek peidek me pahn kasalehda arail madamadau. Sises kin ketin doadoahngki peidek kan ni irekidi pwehn esehda dahme sapwellime tohnpadahk ko kin medewe. (Md 16:13-16; be-E 238 par. 3-5) Soangen peidek dah me ele ke kak idek pwehn wehwehki en emen madamadau?

• Idek peidek kan me kahrehiong en sapengala. Pwehn kapwungala en Piter madamadauo, Sises ketin idek peidek kan oh kihda pasapeng kan me kahrehong Piter en ahneki madamadau pwung. (Md 17:24-26) Soangen peidek dah kan me ele ke kak idek pwehn sewese emen en ahneki madamadau pwung?

• Kapinga irail me rongorong omw koasoakoasoi. Mwurin emen sounkawehwehn kosonnedo eh sapengala ni pwung, Sises ketin kapinga ih. (Mr 12:34) Ia duwen omw kak kapinga emen me sapengala peidek ehu?

KILANG PALI KEIEU EN KISIN KASDO DO THE WORK THAT JESUS DID​—TEACH, OH MWURI SAPENGALA PEIDEK PWUKAT:

• Dahme kahrehda mehn kahlemeng wet sohte wia padahk mwahu, mendahki ire ko pwung?

• Dahme kahrehda kitail anahne wia laudsang ihte kawehwe ireo?

KILANG PALI KERIAU EN KISIN KASDO DO THE WORK THAT JESUS DID​—TEACH, OH MWURI SAPENGALA PEIDEK PWUKAT:

• Ia duwen brothero eh doadoahngki peidek kan me kamwakid tohnihmwo?

• Sang nan eh padahko, soangen wiepe dah teikan me kitail kak alasang?