MOMOUR NIN DUWEN KRISTIAN KEI
Kalohk oh Padahk—Kesempwal ong Katohnpadahk
Sises ketin kehkehlingkihong sapwellime tohnpadahk kan ren kohla oh katohnpadahk. (Md 28:19) Met kin pidada kalohk oh padahk. Ekei pak, kitail koaros anahne pein idek rehtail, ‘Ia duwen ei kak kamwahwihala wiepe kesempwal pwukat ong doadoahk en katohnpadahk?’
KALOHK
Kitail sohte kin awiawihte aramas ren kohdo rehtail ahpw kitail anahne pwerisekiong rapahki irail me “warohng” kan. (Md 10:11, NW) Ni ahnsou me kitail kin iang doadoahk en kalohk, kitail kin tehk ahnsou mwahu en koasoiong aramas akan “me kin alialu wasao”? (Wi 17:17, NW) Lidia wiahla tohnpadahk men pwehki en wahnpoaron Pohl pwerisek en kalohk.—Wi 16:13-15.
“Padokedi nimenseng oh pil nin soutik; pwe ke sehse ma koaros pahn pweida mwahu de soh; oh ke pil sehse ma ehu pahn pweida mwahusang ehu” (Ekl 11:6)
KILANG KISIN KASDO CONTINUE PREACHING “WITHOUT LETUP”—INFORMALLY AND FROM HOUSE TO HOUSE, OH MWURI SAPENGALA PEIDEK PWUKAT:
Nan eh koasoandien ehuehu rahn, ia duwen Samuel eh kasalehda me e kin pwerisekiong padokedi werentuhke kan en padahk mehlel?
Dahme kahrehda kitail anahne nannanti nan soangen wiepen kalohk koaros?
Ihs me ke kak ehukihong rohng en Wehio nan omw koasoandien ehuehu rahn?
PADAHK
Pwehn katohnpadahk, kitail anahne wia laudsang en ihte kihdi sawaspen Paipel kan rehn aramas. Pwehn sewese irail en kekeirda, kitail anahne pwurehng pwurala oh wia onop en Paipel. (1Ko 3:6-9) Ahpw, ia duwen ma atail pwerisek en padahkihong emen duwen padahk mehlel en Wehio sohte pweida? (Md 13:19-22) Kitail anahne pousehlahte rapahki irail kan me arail mohngiong duwehte “pwelmwahwo.”—Md 13:23; Wi 13:48.
“I kin padokedi werentuhke, Apolos kin kalamwur, ahpw Koht me kin ketin kakairada” (1Ko 3:6, NW)
KILANG KISIN KASDO CONTINUE PREACHING “WITHOUT LETUP”—PUBLICLY AND MAKING DISCIPLES, OH MWURI SAPENGALA PEIDEK PWUKAT:
Ia duwen Solomon oh Mary ara kalamwuri werentuhkehn padahk mehlel nan mohngiong en Ezekiel oh Abigail?
Dahme kitail en akadeiong nan soangen wiepen kalohk kan koaros, iangahki kalohk ong wehipokon?
Ia duwen atail kak wiahki mehkot me keieu kesempwal padahkihong aramas akan padahk mehlel?