Kalaudehla Atail Koahiek Nan Doadoahk En Kalohk​—Sewese “me Ahneki Mohngiong Mwahu” Ren Wiahla Tohnpadahk kei

DAHME KAHREHDA E KESEMPWAL: Siohwa kin ketin wiahiong weren padahk mehlel en kin kekeirda nan mohngiong en irail akan me “ahneki mohngiong mwahu en ale mour soutuk.” (Wi 13:48; 1Ko 3:7) Kitail kin iang ih doadoahk sang ni atail kin medemedewehte atail kin doadoahk laud nan doadoahk en kalohk ong irail akan me kin mwekidki dahme re kin sukuhlki. (1Ko 9:26) Tohnsukuhl en Paipel kan anahne wehwehki me papidais en Kristian kesempwal ong en alehdi komour. (1Pi 3:21) Kitail kin sewese irail ren wiahla tohnpadahk kei sang ni atail kin padahkihong irail ren wiahda wekidekla kan nan arail mour, pwe ren kalohk oh padahk, oh ren inoukihong Siohwa arail mour.​—Md 28:19, 20.

IA DUWEN OMW PAHN WIA MET:

• Katamankihong tohnsukuhl en Paipel kan me kahrepen arail kin onop iei en sewese irail ren ‘esehla’ Siohwa oh kaperenda ih.​—Soh 17:3

• Sewese irail ren kekeirda nan padahk mehlel ni ar pahn powehdi kahpwal kan, me duwehte tiahk suwed kan oh liksang werekiong aramas likamw akan

• Kakehlaka oh kangoange irail mwohn oh mwurin ar papidais.​—Wi 14:22

KILANG KISIN KASDO JEHOVAH GOD WILL HELP YOU, OH MWURI SAPENGALA PEIDEK PWUKAT:

• Soangen masak dah me kakete irehdi emen sang en wiahda inou oh papidais?

• Ia duwen elder kan ar kak sewese tohnsukuhl en Paipel kan en kekeirda nan padahk mehlel?

• Dahme Aiseia 41:10 kin padahkihong kitail duwen Siohwa?

• Soangen irair dah kei me pahn kak kahrehiong kitail en papah Siohwa ni ahl me e ketin kupwurki mendahki atail soh unsek?