SOAHNG KESEMPWAL KAN SANG MAHSEN EN KOHT | 2 SOHN 1-13; 3 SOHN 1-14–SUD 1-25
Kitail Anahne Pei Pwehn Mihmihte nan Padahk Mehlel
Sises kehkehlingki: “Kumwail nantihong laud pwe kumwail en pedolong nan wenihmw tehtik.” (Lu 13:24) Sapwellimen Sises mahsen ko kin kasalehda me kitail anahne nanti laud pwe Koht en ketin kupwurperenkin kitail. Sud, rien Sises me ara nohno emente, ntingihedi mehkot me duwehte: “Pei kehlail pwehn pere pwoson.” Nanti laud kin anahn pwehn wia soahng pwukat:
Pelianda tiahk samin me pid wia nsenen pwopwoud.—Sud 6, 7
Wauneki irail me ahneki manaman nan mwomwohdiso.—Sud 8, 9
Kakehlailih atail kamehlele “pwoson me keieu sarawi,” padahk en Kristian kan.—Sud 20, 21