“Tohn Sampah Koaros Ahnekipene Soangen Mahsenteieu”

11:1-4, 6-9

Nan Papel, Siohwa ketin kamwarahkpeseng aramas sapeik kan, sang ni eh ketin kapingada arail lokaia. Rahnwet, e kin ketin kihkihpene pokon kalaimwun ehu me kohsang wehi oh lokaia koaros oh ketikihong irail “lokaia min” pwe irail “en kak likweriong mwaren Siohwa, pwe irail en miniminpene papah ih.” (Sep 3:9, NW; Kau 7:9) “Lokaia min” wet iei padahk mehlel duwen Siohwa oh kupwure kan me mi nan Paipel.

En sukuhlki ehu lokaia tohrohr kin anahne laudsang en ihte wadilikihala lepin lokaia kapw kan. Met kin anahne sukusukuhlki elen madamadau kapw ehu. Pil duwehte, ni atail kin sukuhlki lokaia min en padahk mehlel, atail madamadau kan kin wekiwekla. (Ro 12:2) Met wiewia ehu me sohte kin uhdi ahpw e kin doulahte wiawi, me kin imwikihla miniminpenehn sapwellimen Koht aramas akan.​—1Ko 1:10.