Kapinga Siohwa nin Duwen Pioneer Men

Mehn Israel kan ahneki kahrepe mwahu kan ren kapinga Siohwa. E ketin kahluwairailsang nan Isip oh ketin kapitirailsang nein Parao karis en sounpeio! (Eks 15:1, 2) Siohwa ketin pousehlahte wia soahng mwahu kan ong sapwellime aramas akan. Ia duwen atail kak kasalehda me kitail kalahnganki met?​—Mel 116:12.

Ehu ahl iei sang ni atail papah nin duwen sawaspen pioneer de pioneer men. Ke kak kapakapki pwe ken ahneki ineng oh kehl en papah nin duwen pioneer men. (Pil 2:13) Me tohto tepida papah nin duwen sawaspen pioneer men. Ke kak pilada ma ke pahn wiahda awa 30 de awa 50 erein sounpwong en March oh April oh erein mwemweit en sounapwalih me kin seiloak. Mwurin omw pahn kehnehr kaperenpen wia sawasepen pioneer men, ele ke pahn men wiahla pioneer men. Pil ekei me doadoahk en mwohni mpen awa 40 nan wihk ehu de ahneki kahpwal en roson kin papah nin duwen pioneer kan. (mwb16.07 8) Ei, Siohwa uhdahn ketin warohng nanti laud koaros me kitail kak wia pwehn kapinga ih!​—1Kr 16:25.

KILANG KISIN KASDO THREE SISTERS IN MONGOLIA, OH MWURI SAPENGALA PEIDEK PWUKAT:

• 

  Soangen kahpwal dah kan me sister silimeno ahneki oh dahme re wia pwe ren powehdi oh wiahla pioneer kei?

• 

  Soangen kapai dah kan me re paiekihda?

• 

  Soahng kapw dah me re uhd kak wia nan arail papah Siohwa pwehki re wiahla pioneer kei?

• 

  Ia duwen arail mehn kahlemeng mwahu eh kamwakid meteikan?