MOMOUR NIN DUWEN KRISTIAN KEI
Kanahieng en Dehr Pouseseli Soahng Likamw kan
Rahnwet, ire kan kak mwadangete lelahng aramas rar kei sang ni doaropwe kan, redio, tv oh Internet. Irail me kin kaudokiong “Koht en mehlel” sohte men pouseseli ire likamw kan, mehnda ma pil sapwungala. (Me 31:5, NW; Eks 23:1) Soahng likamw kan me pousiong meteikan kak kahrehda ohla laud. Ni omw song en diarada ma mehkot ehu mehlel, pein idek rehmw:
‘I rong met sang rehn emen me I likih?’ Aramas me ndaiong ie met mweinele sehse oaritik kan koaros. Ni ahnsou me aramas akan kin koasoiaiong meteikan soahng ehu, koasoio pahn kedekedeo wekila, eri kanahieng ni omw sehse ia duwen koasoio eh tepida. Pwehki irail me ahneki pwais kan nan mwomwohdiso me kin kihda ire kan, re uhdahn anahne kanahieng ni ar pouse ire kan me saikinte mie mehn kadehde me mehlel
‘Ireo kin kihda ire likamw kan?’ Ma e kin kauwehla adamwahu en aramas emen de pwihn ehu, e pahn mwahu en dehr pouse.—Lep 18:8; Pil 4:8
‘Aramas kak kamehlele koasoio?’ Kanahieng ni omw rong koasoi kan oh mwekid kapwuriamwei kan
KILANG KISIN KASDO HOW CAN I STOP THE GOSSIP? OH MWURI SAPENGALA PEIDEK PWUKAT:
Nin duwen me Lepin Padahk 12:18 kasalehda, kahpwal dah me lokaia kak kahrehda?
Ia duwen Pilipai 2:4 eh kak sewese kitail en pilada mwahu dahme kitail pahn nda?
Dahme kitail pahn wia ni ahnsou me emen tepida senserere de koasoia soahng suwed kan duwen meteikan?
Mwohn atail pahn tepida koasoia meteikan, peidek dah kan me kitail en pein idek rehtail?