Ke Kak Toukihda Omw Ahnsou oh Kehl?

Nin duwen me Aiseia kohpada, kitail kilang me sapwellimen Siohwa pwihn nin sampah wie tohtohla sang mahso. (Ais 54:2) Met me kahrehda mie anahnepen kokoudahn Wasahn Kaudok kan, Wasahn Mihting Tohrohr kan oh ohpis kan. Mwurin kokoudahn ihmw pwukat, ihmw pwukat kin anahne epwel oh ekei kin kedekedeo anahne onohnsapahlda. Soangen ahnsou mwahu dah kan me met kihong kitail en toukihda atail ahnsou oh kehl ong Siohwa?

• Kitail kak iang sawas ni ahnsou me atail pwihnen kalohk koasoandi en kamwakele Wasahn Kaudok

• Pein kitail kak toukihda ahnsou en ale kaiahn en apwalih atail Wasahn Kaudok

• Kitail kak audehda Local Design/​Construction Volunteer Application (DC-50) pwe kitail en iang sawas ekei pak nan doadoahk en kou ihmw oh kamwahwihala wasa ohla kan me karanih atail wasahn kousoan

• Kitail kak audehda Application for Volunteer Program (A-19) oh iang sawas erein wihk ehu de tohtohsang nan wasa kan me mi pahn epwelpen atail ohpis de ehu wasa tohrohr

KILANG KISIN KASDO A NEW CONSTRUCTION PROJECT IS BEING PLANNED​—EXCERPT, OH MWURI SAPENGALA PEIDEK PWUKAT:

• Kawehwehda ia uwen laud en atail kin doadoahngki kisin kasdo kan laudsang mahso.

• Pwehn wiahda kisin kasdo kan me anahn ong atail kaudok, soangen doadoahk dah me koasoandier, oh ia erein doadoahk wet eh pahn wiawi?

• Ia duwen irail me toukihda ar ahnsou ar kak sawas nan doadoahk wet?

• Ma kitail men iang sawas nan doadoahk en kou ihmw nan Ramapo, dahme kahrehda kitail anahne audehda doaropwe ehu (DC-50) oh iang sewese Local Design/​Construction me karanih atail wasahn kousoan?

• Dahme kadehdehda me Siohwa kin ketin kaweid doadoahk wet?

• Ia duwen atail kak utung doadoahk wet mehnda ma kitail sohte kak iang doadoahk en kou ihmw?