Me Pwulopwul kan​—Siohwa Iei Kompoakepahmwail?

Soangen irair dah kan me ke kin rapahki rehn kompoakepahmw men? Ele ke kin kesempwalki loalopwoat, kadek oh sapan. Siohwa sapwellimanki irair pwukat koaros. (Eks 34:6; Wi 14:17) E kin ketin karonge ni omw kapakapohng ih. E kin ketin seweseiuk ni ahnsou me ke anahne. (Me 18:19, 35) E kin ketin mahkohng omw sapwung kan. (1So 1:9) Ia uwen Siohwa eh ketin wia Kompoakepah mwahu men!

Ia duwen omw kak wia kompoakepahn Siohwa? Sukuhlki duwen ih ni omw wadek sapwellime Mahsen. Kasalehiong ih omw pepehm kan. (Me 62:8; 142:2) Kasalehda me ke kesempwalki soahng kan me Siohwa kin ketin kesempwalki, duwehte sapwellime Ohlo, sapwellime Wehio oh sapwellime inou kan ong ni ahnsou kohkohdo. Padahkihong meteikan duwen ih. (Deu 32:3) Ma ke kakairada nanpwungmwahu keren rehn Siohwa, e pahn ketin wia Kompoakepahmw kohkohlahte.​—Me 73:25, 26, 28.

KILANG KISIN KASDO YOUTHS​—“TASTE AND SEE THAT JEHOVAH IS GOOD,” OH MWURI SAPENGALA PEIDEK PWUKAT:

• 

  Ia duwen omw kak kaunopada ong inou oh papidais?

• 

  Ia duwen meteikan nan mwomwohdiso ar kak seweseiuk en papah Siohwa?

• 

  Ia duwen doadoahk en kalohk eh kin kakehlaka omw nanpwungmwahu rehn Siohwa?

• 

  Soangen pwukoa dah kan nan sapwellimen Siohwa doadoahk me ke kak wia?

• Dahme ke kalahnganki duwen Siohwa?