Doadoahk Tohrohr nan November Pwehn Lohkiseli Wehin Koht

Sises ketin lohkiseli “rongamwahu en Wehin Koht.” (Lu 4:43) E pil ketin padahkihong aramas akan ren kapakapki Wehio. (Md 6:9, 10) Erein sounpwong en November, kitail pahn wia doadoahk tohrohr ehu en lohkiseli Wehin Koht. (Md 24:14) Wiahda omw koasoandi ken iang doadoahk tohrohr wet. Irail koaros me wia sawaspen pioneer kan kak pilada en wiahda awa 30 de 50 ong sounpwong wet.

Ehukihong uwen aramas tohto nan omw wasahn kalohk iren Paipel ehu me pid Wehin Koht. Ni omw pilada ehu iren Paipel, medewe duwen irail me iang pelien lamalam teikan nan omw wasahn kalohk. Ma emen kasalehda eh perenki rong ni omw tepin tuhwong, kihong ih ehu nah Kahn Iroir (ong wehipokon) No. 2 2020. Mwuri koasoanehdi ken pwurehng pwurala ni ahnsou karuwaru, oh song en tapiada onop en Paipel ni omw doadoahngki sawaspen Paipel sang nan neitail Koakon en Kasukuhl. Ahnsou mwotomwot luhluhwe mwohn Wehin Koht eh pahn kamwutepene kaunda koaros me kin uhwong met. (Da 2:44; 1Ko 15:24, 25) Kahrehda, kitail en isaneki doadoahk tohrohr wet pwehn kasalehda atail kin utung Siohwa oh sapwellime Wehio!