Doadoahk Tohrohr en nan September en Kalohki Duwen Wehin Koht!

Erein sounpwong en September, kitail pahn nantihong padahkihong aramas akan me Wehin Koht iei ihte me kak kamwahwihala en aramas akan kahpwal kan. (Md 24:14) Ia duwen omw kak iang wia met? Ehukihong iren Paipel ehu duwen Wehin Koht ong uwen tohtohn aramas me ke kak tuhwong erein sounpwongo. Ma aramaso men rong, kihong ih nah Kahn Iroir en wehipokon No. 2 2020. Eri mwadang pwurala rehn aramaso ma kak, oh song en tapiada onop en Paipel ni omw doadoahngki kisin pwuhko Pereperenki Mour Kohkohlahte! Irail koaros me pahn wia sawasepen pioneer erein sounpwong en September kak pilada en wiahda awa 15 de 30.

Wehin Koht pahn kereniong kasohrehla koperment koaros me kin uhwongada wehi wet. (Da 2:44; 1Ko 15:24, 25) Kitail en isaneki ahnsou mwahu koaros nan doadoahk tohrohr wet pwehn kasalehda atail kin utung Siohwa oh sapwellime Wehio!