Wiepen Doadoahngki Iren Sawas kan ong Koasoakoasoipene

Brother kan doadoahk laud pwehn kaunopada iren sawas kan ong koasoakoasoipene, oh sounkalohk tohto diarada me sawas pwukat kin pweida nan ar kalohk. Ahpw pwehki irair kan kin wekpeseng nan sampah pwon, sounkalohk kan kak doadoahngki ehu wiepe tohrohr nan ar kalohk de koasoia ehu ire me aramas akan nan ar wasa pahn perenki rong. Ahpw, koaros anahne idawehn kaweid kan me pidada doadoahk tohrohr ehu. Atail mehn akadei iei en kapwaiada sapwellimen Sises kehkehlik en kalohki rongamwahu en Wehio.​—Md 24:14.

Ni sounkalohk kan ar wia padahk, re anahne koasoia oaralap me mi nan Doaropwehn Kasukuhl ong Mihting en Mour oh Kalohk. Ahpw, ma sohte mie kaweid me kileldi, re kak pein pilada ehu peidek, iren Paipel, peidek en pwurehng pwurala de irair (setting) me pahn pwungiong arail wasahn kalohk. Met wekidala kaweid me kohda nan pali 8 en June 2020 en doaropwehn kasukuhl ong mihting.