MOMOUR NIN DUWEN KRISTIAN KEI
Siohwa Kin Ketin Sewese Kitail Erein Atail Apwal kan
Erein imwin rahn pwukat, kitail kin lelohng kahpwal tohto. Ekei pak, kitail kin pehm me kahpwal kan nohn laud kitail en dadaur. Ahpw ma kitail kin pousehlahte karanihala Siohwa, e pahn ketin sewesei kitail mehnda ma kahpwal kan uhdahn laud. (Ais 43:2, 4) Ia duwen atail kak karanihala Siohwa ni atail dadaur pahn kahpwal kan?
Kapakap. Ni atail kin wehkohng Siohwa audepen atail mohngiong, e kin ketikihong kitail madamadau en popohl oh kakehlaka atail pepehm en dadaurete.—Pil 4:6, 7; 1De 5:17.
Mihting. Laudsang mahs, kitail kin anahne soahng kan me Siohwa kin ketikihda nan atail mihting kan me duwehte padahk, kaweid oh werekiong riatail Kristian kan. (Ipr 10:24, 25) Ni atail kin kaunopada iang towehda oh pasapeng nan mihting kan, kitail kin paiekihda laud sawas sang sapwellimen Siohwa manaman.—Kau 2:29.
Kalohk. Ma kitail kin wia uwen atail kak koaros en soupisengki doadoahk en kalohk, kitail pahn diarada me e mengei en medemedewehte soahng mwahu kan. Kitail pil pahn kakehlakahda atail nanpwungmwahu rehn Siohwa oh iangatail sounkalohk kan.—1Ko 3:5-10.
KILANG KISIN KASDO JEHOVAH WILL TAKE YOU IN, OH MWURI SAPENGALA PEIDEK PWUKAT:
Dahme sewese Malu en kin karanihete Siohwa erein ahnsou me e mi nan apwal?
Duwehte Malu, ia duwen mahsen kan nan Melkahka 34:18 eh kak kansenamwahwih kitail ni atail mi nan apwal?
Ia duwen dahme wiawihong Malu eh kasalehda me Siohwa kin ketikihong kitail “kehl me laudsang dahme aramas ahneki” ni atail lelohng kahpwal?—2Ko 4:7