Ke Kin Doadoahngki Ngilen Wadawad en Paipel?

Dahkot ngilen wadawad en Paipel? Ngilen wadawad en Paipel iei rekord en New World Translation me pwurehng wiawihda. Rekord kan kin ekisekis wiawihda ni uwen tohtohn lokaia kan me kak. Ehu kamwahupen ngilen wadawad en Paipel wet iei e kin doadoahngki soangsoangen ngihl kan ong emenemen aramas nan Paipel. Re kin kasalehda pepehm me konehng ni ar wadek mahsen kan pwehn kasalehda rohng en Paipel ni pwung.

Ia duwen ekei ar kin paiekihda ngilen wadawad en Paipel? Me tohto me kin kaukaule rong ngilen wadawad en Paipel kin perenki met, pwehki e mwomwen wiewiawi mwohrail. Ni ar rongorong ngilen soangsoangen aramas nan Paipel, re kak medewehla mwahu mwekid kan me wiawi oh wehwehki mwahu dahme ntingdi nan Paipel. (Lep 4:5) Me tohto pil diarada me ni ar kin pwunod, ar rongorong ngilen wadawad en Paipel kin kansenamwahwih irail.—Me 94:19.

Ni atail kin rong wadawad en Mahsen en Koht ni ngihl laud, met kak uhdahn kamwakid kitail. (2Kr 34:19-21) Ma mie ngilen wadawad en Paipel ni lokaia me ke wehwehki, ke kak wiahki met kisehn omw koasoandi en onop Paipel?

KILANG KISIN KASDO PRODUCTION OF THE AUDIO BIBLE—EXCERPT, OH MWURI SAPENGALA PEIDEK WET:

Dahme ke perenki duwen wiawihdahn ngilen wadawad en Paipel?